Um mánaðamótin október/nóvember kemur út bók sem allir Skagamenn verða að lesa, sumsé bókin 100 ára knattspyrnusaga Akraness. Höfundur hennar er Skagamaðurinn og sagnfræðingurinn Björn Þór Björnsson og hefur hann víða leitað fanga svo að útkoman verður bæði skemmtileg (þó svo að stundum komi skúrir) og fræðandi. Fjölmargt kemur á óvart og margir eru kallaðir…Lesa meira

Meðfylgjandi er mynd frá útkalli björgunarsveita og sjúkraflutningamanna á Snæfellsnesi í gær. Þeir voru fengnir til að flytja konu sem hafði ökklabrotnað þar sem hún var stödd austur af Snæfellsjökli. Búið var um hana og hún flutt með sexhjóli að sjúkrabíl við fjallsrætur. Nokkur erill var hjá björgunarsveitum á landinu um helgina. Í tilkynningu frá…Lesa meira

Eigendur Orkuveitu Reykjavíkur hafa einróma samþykkt að stofna hlutafélag um rekstur Carbfix, sem er dótturfélag OR. Tilgangurinn er að gera Carbfix mögulegt að beita tækni sinni í innlendum og alþjóðlegum verkefnum, sem stuðla að því að minnka losun CO2 út í andrúmsloftið og styðja þannig við loftslagsmarkmið Íslands og heimsins. Carbfix vinnur nú að nokkrum…Lesa meira

Matvælaráðuneytið úthlutaði í síðustu viku 584,6 milljónum króna úr Matvælasjóði. Alls hljóta 58 verkefni styrki að þessu sinni, en 211 umsóknir bárust sjóðnum. Um 5% verkefnastyrkja voru tengdir Vesturlandi, en í öllum tilfellum voru það styrkir sem að einhverju leyti tengjast öðrum landshlutum einnig. Hlutverk Matvælasjóðs er að styrkja þróun og nýsköpun við framleiðslu og…Lesa meira

Íbúafjöldi á Vesturlandi hefur aukist mjög á síðustu árum og má sem dæmi nefna að fyrir tíu árum vou íbúar á Akranesi 6.578 talsins, en 1. febrúar í ár var talan hins vegar 7.845 sem er fjölgun um 1.267 íbúa á áratug. Annað dæmi er Borgarbyggð sem er næstfjölmennasta sveitarfélag Vesturlands. Þar hefur fjölgað umtalsvert…Lesa meira

Loksins kom að því! Eftir 119 eyðimerkurdaga án sigurs í Bestu deild karla í knattspyrnu náðu Skagamenn sigri en þeir unnu síðast leik í deildinni í sumar gegn Víkingi Reykjavík í 2. umferð deildarinnar 24. apríl. Í millitíðinni  var Baráttudagur verkalýðsins, Mæðradagurinn, Uppstigningardagur, Hvítasunnudagur, Sjómannadagurinn, Þjóðhátíðardagurinn, Jónsmessa, Írskir dagar, Verslunarmannahelgin, Menningarnótt og ýmislegt annað sem…Lesa meira

Að ákvörðun Svandísar Svavarsdóttur matvælaráðherra hafa verið kynnt í samráðsgátt stjórnvalda tvö áform um lagasetningu sem ætlað er að draga úr losun gróðurhúsalofttegunda fiskiveiðiflotans og hraða orkuskiptum í samræmi við markmið stjórnvalda. Markmið stjórnvalda er að Ísland nái kolefnishlutleysi og fullum orkuskiptum eigi síðar en árið 2040 og verði þá óháð jarðefnaeldsneyti fyrst ríkja. Meðal…Lesa meira

Börn og ungmenni munu á næstu dögum streyma í skólana sína, mörg hver í fyrsta skipti. Það er því sérstök ástæða til að hvetja ökumenn til að vera á varðbergi hvarvetna í umferðinni, virða hraðatakmarkanir og hleypa gangandi vegfarendum yfir á gangbrautum. Almennt er brýnt að sýna unga fólkinu okkar bæði fulla tillitsemi og gott…Lesa meira

Flutningur sauðfjár yfir varnarlínur er bannaður samkvæmt lögum um dýrasjúkdóma nr. 25/1993. Matvælastofnun er þó heimilt að veita undanþágu frá þeirri reglu fyrir kynbótagripi, en hingað til hefur það ákvæði eingöngu verið notað til að flytja kynbótahrúta á sæðingastöðvar. Þá er í gildi sérstök reglugerð um sölu frá líflambasölusvæðum. „Í ljósi þess að nú hafa…Lesa meira

Veðurstofa Íslands bendir á að gervitunglamyndir sýni að á síðustu vikum hefur vatnsstaða Hafrafellslóns í jaðri Langjökuls hækkað jafnt og þétt sökum úrkomu og bráðnunar jökulsins. Mögulegt er að það hlaupi úr lóninu á næstu dögum eða vikum. Hlaup varð úr þessu sama lóni fyrir réttum tveimur árum og þrefaldaðist þá vatnið í Hvítá. Hlaupvatnið…Lesa meira