Í upphafi hvers árs er mikið um að vera hjá ferðaþjónustufólki sem kemur saman til að ráðfæra sig við hvert annað, finna nýjar hugmyndir og skapa verðmæti. Mannamót Markaðsstofa landshlutanna er haldið í Kópavogi og samhliða því er heil vika af spennandi viðburðum með mismunandi áherslum. Þar er meðal annars rætt um tækniþróun, ráðstefnur, sjálfbærni og auðvitað markaðssetningu. Nú eru liðin 11 ár frá því að hugmyndin um Mannamót varð til í einu af mörgum samtölum markaðsstofanna um hvernig mætti efla íslenska ferðaþjónustu og vinna að dreifingu ferðafólks um landið. Þessi hugmynd um að skapa vettvang fyrir landsbyggðarfyrirtækin til að koma saman í höfuðborginni og eiga þar fundi með ferðaþjónustunni er nú orðin að stærsta kynningarviðburði ferðaþjónustunnar og farin að vekja áhuga erlendra ferðaskrifstofa.
Markaðssetning til lengri tíma er mikilvæg. Til þess að efla ferðaþjónustuna í verðmætasköpun þarf að tala saman, vinna í sömu átt og segja frá Íslandi. Náttúran er okkar stóra aðdráttarafl og hefur náðst að kynna vel hversu stórfengleg hún er á öllum tímum ársins. Þjónusta er að byggjast upp jafnt og þétt til að taka á móti ferðafólkinu og er jákvætt að sjá í nýjustu tölum um fjölda ferðamanna hvernig vetrarferðaþjónustan er að sækja í sig veðrið enda er næg þjónusta í boði á þeim árstíma og mikil tækifæri til að nýta fjárfestinguna betur og skapa heilsársstörf.
Ferðaþjónustan er byggð upp af öflugu fólki, frumkvöðlum sem hafa sýnt af sér mikla þrautseigju og hugmyndaauðgi. Þessi hópur sem kemur úr öllum áttum er grunnurinn að stærstu atvinnugrein landsins þegar horft er til landsframleiðslu. Þessi atvinnugrein skilar ekki eingöngu verðmætum inn í landið heldur byggir upp mikil lífsgæði fyrir íbúa með uppbyggingu þjónustu um allt land. Það er ekki sjálfgefið að ná þeim árangri sem Ísland hefur náð undanfarin ár í þróun og markaðssetningu ferðaþjónustunnar. Fagmennska, menntun, stöðug þróun og öflug markaðssetning er lykillinn að árangri og þessu fögnum við saman á Mannamótum og í ferðaþjónustuvikunni.
&nbsp;
Arnheiður Jóhannsdóttir
Höf. er talsmaður markaðsstofa landshlutanna og framkvæmdastjóri Markaðsstofu Norðurlands.

medium

large

thumbnail

1536x1536

2048x2048

small

custom-size

Ferðaþjónustufólk kemur saman

Af jákvæðum fréttum héðan úr Suðurdölum er ein sem lítið hefur farið fyrir en þarft er að minnast á og þakka sveitarstjórn Dalabyggðar og starfmönnum hennar sem komu að málinu. Undanfarin tvö ár hefur sveitarfélagið unnið að viðgerðum og endurbótum að uppsteyptum almenningi Fellsendaréttar.
En af hverju þarf að minnast á þetta? Hluti af mínu starfi undanfarin ár hefur verið að spjalla við ferðamenn, mest erlenda og svara þeirra spurningum. Oft er spurt um hvernig bændur nái fé sínu úr fjöllunum, þær séu bara út um allt. Því hef ég svarað að við séum svo heppin að hafa aldagamalt skipulag sem heitir Fjallskil, þar sem sauðfjárbændur hafi hjálpast að við að smala fjöllin, eitt svæði einn daginn og svo næsta svæði. Svo þarf að skýra út fyrir þeim réttarhaldið, fé allra sé rekið sameiginlega inn í almenning og þar fyrst geti menn náð sínum kindum sér í sinn dilk.
Þessar samræður mínar við gesti mína hafa hjálpað mér að meta mikilvægi fjallskila skipulagsins fyrir sauðfjárbændur og að það virki vel fyrir alla sauðfjárbændur. Og í framhaldi af því met ég það mikils að með því að tryggt er nú að almenningur Fellsendaréttar standi uppi samfélagi sínu til sóma næstu áratugina.
Fellsendarétt stendur nánast í vegkanti þjóðvegar 60 og er hluti af andliti samfélagsins er fólk sem kemur að sunnan inn í Dalina. Víða um land má sjá mjög fallegar fjárréttir sem eru sínu samfélagi til mikils sóma og er það vel að sveitarstjórn Dalabyggðar hefur það sjónarmið líka að leiðarljósi.
Ljóst er að alltaf er hægt að laga eitt og annað en tel að það sé mun minna verk eftir að tryggt sé að almenningurinn verði til sóma. Ég sem sauðfjárbóndi hér í Miðdölum vil ítreka þakklæti til þeirra sem ákváðu að endurbyggja almenninginn í Fellsendarétt.
&nbsp;
Finnbogi Harðarson
Höf. er sauðfjárbóndi á Sauðafelli í Dölum.
<img width="600" height="338" class="alignnone size-medium wp-image-86754" src="https://umsjon.skessuhorn.is/wp-content/uploads/adsendar-greinar/Pennagrein_Finnbogi-Hardarson_2-600x338.jpg" alt="" srcset="https://umsjon.skessuhorn.is/wp-content/uploads/adsendar-greinar/Pennagrein_Finnbogi-Hardarson_2-600x338.jpg 600w, https://umsjon.skessuhorn.is/wp-content/uploads/adsendar-greinar/Pennagrein_Finnbogi-Hardarson_2-1200x675.jpg 1200w, https://umsjon.skessuhorn.is/wp-content/uploads/adsendar-greinar/Pennagrein_Finnbogi-Hardarson_2-1536x864.jpg 1536w, https://umsjon.skessuhorn.is/wp-content/uploads/adsendar-greinar/Pennagrein_Finnbogi-Hardarson_2-scaled.jpg 2048w, https://umsjon.skessuhorn.is/wp-content/uploads/adsendar-greinar/Pennagrein_Finnbogi-Hardarson_2-300x169.jpg 300w" sizes="(max-width: 600px) 100vw, 600px" />
&nbsp;

Fellsendarétt

Kæru kjósendur og stuðningsfólk!
Árið 2024 hefur verið gefandi og viðburðarríkt, þar sem ég hef stigið allverulega út fyrir þægindarammann. Mæli eindregið með því!
Í aðdraganda alþingiskosninganna steig ég nokkuð óvænt inn á svið stjórnmálanna sem oddviti Miðflokksins í Norðvesturkjördæmi þar sem ræturnar mínar eru svo djúpar og hafa hafa togað í mig sl. ár. Ég vildi og vil vinna landsbyggðinni gagn, sem á svo mikið í mér. Í kjölfar heimkomu frá sendiherrastörfum í Noregi og eftir um 25 ár á flakki um heiminn í utanríkisþjónustunni, þá nefnilega leyfði ég aðdráttarafli rótanna að ráða ferðinni og fór á árinu 2023 í leyfi frá störfum utanríkisþjónustu, til þess að vinna að eigin hugmynd. Ég veit að sumum þótti þetta nokkuð djarft hjá mér, en mér fannst það nauðsynlegt, því ég veit að flestir geta verið embættismenn en færri hafa elju og kraft til að stíga út úr því öryggi, og inn í óvissu frumkvöðulsins. Að leiðarljósi hafði ég fallegt hvetjandi listaverk sem dóttlan mín hafði búið til handa mér fyrir nokkrum árum, með textanum: „Ekki láta draumana þína alltaf vera drauma“. Ég hafði uppgötvað að það vantaði hvetjandi stoðkerfi á Íslandi fyrir nýsköpun í fæðutengdri starfsemi og landbúnaði, með áherslu á styrkingu byggða – hannað að íslenskum aðstæðum og veruleika. Eftir miklar vangaveltur og enn fleiri fundi og ferðalög um landið þá teiknaðist upp fyrirbæri sem heitir nú Íslenski fæðuklasinn. Fæðuklasinn var stofnaður sumarið 2024 og er hvetjandi vettvangur samstarfs fyrirtækja, frumkvöðla og stofnana með verðmætaskapandi verkefni í fyrirrúmi. Geggjað skemmtilegt og hefur fengið frábærar viðtökur.
Ég var einmitt á Vestfjörðum í fundaferð vegna Fæðuklasans upp úr miðjum október! Og svo aftur í byrjun nóvember en þá af öðru tilefni, sem nýr oddviti Miðflokksins í Norðvesturkjördæmi. Þetta nýjasta ævintýri hefur verið skemmtilegt, gefandi og lærdómsríkt. Frambjóðendur óku um allt kjördæmið, við heimsóttum fjöldann allan af fyrirtækjum, stofnunum og heimilum – og héldum fjölda funda. Hvarvetna var okkur tekið opnum örmum og var veðrið og færðin að mestu leyti án vandræða! Bara ein hraðasekt, á sjálfan kjördag, rétt fyrir utan Borgarnes – en þeir sem eru reyndari en ég í kosningabaráttu, segja það vel sloppið. Ég vil þakka öllum sem tóku þátt í þessari vegferð – þeim sem lögðu sitt af mörkum við skipulagningu, stóðu vaktir, komu á fundi, tóku þátt í samtölum og lögðu hart að sér fyrir flokkinn. Þið vitið hver þið eruð.
Hjartans þakkir fyrir ómetanlegan stuðning í aðdraganda Alþingiskosninganna og það traust sem þið sýnduð Miðflokknum á kjördag, í Norðvesturkjördæmi og um land allt. Fram undan eru spennandi tímar og verkefnin eru mörg. Ég hlakka til þess að vinna að hag Norðvesturkjördæmis, lands og þjóðar inni á Alþingi Íslendinga, fyrir okkur öll.
Ég vona að þið hafið haft það gott yfir hátíðarnar, þakka yndislegheitin og samfylgdina og óska ykkur heillaríks árs 2025.
&nbsp;
Ingibjörg Davíðsdóttir
Höfundur er oddviti Miðflokksins í Norðvesturkjördæmi
&nbsp;
&nbsp;

Hjartans þakkir og áramót!

„Þetta er algerlega galið,“ sagði Eyjólfur Ármannsson, þingmður Flokks fólksins og nýr samgöngu- og sveitarstjórnarráðherra, á Útvarpi Sögu 12. september síðastliðinn. Tilefnið var frumvarp sem Þórdís Kolbrún Reykfjörð Gylfadóttir, þáverandi utanríkisráðherra, hugðist leggja fram í annað sinn varðandi svonefnda bókun 35 við EES-samninginn sem felur í sér að almenn lög hér á landi sem eigi uppruna sinn í regluverki Evrópusambandsins í gegnum samninginn gangi framar löggjöf sem er innlend að uppruna.
„Þetta gengur ekki að stjórnarskránni vegna þess að þú getur ekki sagt í almennum lögum að ein tegund almennra laga sem á uppruna sinn í Brussel gangi framar öðrum. Þú verður að gera það í stjórnarskrá, að sjálfsögðu,“ sagði Eyjólfur enn fremur. „Þannig að ég vona að þetta verði bara ein tilraunin enn til þess að leggja þetta fram og það verði ekkert af þessu. Ég bara trúi ekki öðru. Við munum allavega, sem höfum áhuga á að verja fullveldi þessa samfélags, fullveldi Íslands, þeir munu berjast gegn þessu og ég ætla að gera það.“
Hins vegar var haft eftir Eyjólfi á Vísir.is á Þorláksmessu að hann ætlaði að greiða atkvæði með fyrirhuguðu frumvarpi Þorgerðar Katrínar Gunnarsdóttur utanríkisráðherra um málið. Spurður út í áðurnefnd og önnur orð hans fyrir kosningarnar gegn málinu sagði Eyjólfur að kveðið væri á um samþykkt bókunar 35 í stjórnarsáttmála ríkisstjórnarinnar og fyrir vikið myndi hann styðja það: „Þetta er inni í sáttmála ríkisstjórnarinnar og ég virði það samkomulag.“ Hvergi er hins vegar kveðið á um málið sem slíkt í stjórnarsáttmálanum.
Með öðrum orðum hyggst Eyjólfur, sem er lögfræðingur að mennt meðal annars með áherzlu á Evrópurétt, greiða atkvæði með frumvarpi sem hann hefur sjálfur lýst því yfir, ásamt ófáum lögspekingum, að fari gegn stjórnarskrá lýðveldisins af þeirri einu ástæðu að hann er kominn í ríkisstjórn og ekki lengur í stjórnarandstöðu. Mál sem hvergi er að finna í stjórnarsáttmálanum þrátt fyrir fullyrðingu hans um annað sem aftur vekur eðlilega upp spurningar um það hvort hann hafi lesið sáttmálann áður en hann var samþykktur.
&nbsp;
Hjörtur J. Guðmundsson
Höf. er sagnfræðingur og alþjóðastjórnmálafræðingur (MA í alþjóðasamskiptum með áherzlu á Evrópufræði og öryggis- og varnarmál).
&nbsp;
&nbsp;

„Þetta er algerlega galið“

Í ágúst síðastliðnum mættu tæplega 60 nemendur til náms við rafiðnadeildina í FVA. Öll þrjú árin í rafvirkjun eru kennd við deildina og dreifast nemendur býsna jafnt á árin þrjú.
Sex rafiðnaðarkennarar kenndu sl. vetur við skólann en þau eru í stafrófsröð: Davíð Reynir Steingrímsson, Guðmundur Þór Þorsteinsson, Sævar Berg Sigurðsson, Trausti Gylfason (deildarstjóri), Vera Pálsdóttir og Viktor Ýmir Elísson. Öll hafa þau réttindi til að kenna eða eru að ljúka réttindanámi.
Kennt er eftir námskrá menntamálaráðuneytisins eins og lög gera ráð fyrir. Námið hefur verið stytt og þjappað og núna er fyrsti veturinn sem sjöunda önnin er ekki kennd. Námsefni hennar var dreift á fimmtu og sjöttu annirnar. Því var kennt á fyrstu, þriðju og fimmtu önnum rafvirkjunar á þessari önn sem er að líða.
&nbsp;
<div id="attachment_86487" style="width: 610px" class="wp-caption alignnone"><img aria-describedby="caption-attachment-86487" class="wp-image-86487 size-medium" src="https://umsjon.skessuhorn.is/wp-content/uploads/adsendar-greinar/Pennagrein_Trausti-Gylfason_2-1-600x285.jpg" alt="" width="600" height="285" srcset="https://umsjon.skessuhorn.is/wp-content/uploads/adsendar-greinar/Pennagrein_Trausti-Gylfason_2-1-600x285.jpg 600w, https://umsjon.skessuhorn.is/wp-content/uploads/adsendar-greinar/Pennagrein_Trausti-Gylfason_2-1-300x142.jpg 300w, https://umsjon.skessuhorn.is/wp-content/uploads/adsendar-greinar/Pennagrein_Trausti-Gylfason_2-1.jpg 641w" sizes="(max-width: 600px) 100vw, 600px" />Myndin sýnir dæmi um merkingar og útlit á Bluetooth hátölurum nemenda.</div>
&nbsp;
Nýjar áherslur
Námið í rafiðnaðardeildinni tekur sífelldum breytingum milli ára. Áherslur breytast og kapp lagt á að gera námið eins nútímalegt og framast er unnt. Síðustu ár hefur stefna deildarinnar verið að steypa fagbóklegum þáttum meira inn í verklega þætti sem verða á vegi nemandans í vegferðinni í gegnum námið. Margir nemendur sem ljúka grunnskólanámi hafa lengi þráð að komast í verknám og fá allskonar spennandi að fást við í FVA.
Kennarar rafiðnðardeildarinnar hafa síðustu annir tekið þátt í stefnumótun skólans af miklum móð. Stefnumótunin hefur sýnt okkur kennurum hversu hollt og gott það er að fara í naflaskoðun, hugsa út fyrir „boxið“ og prófa nýjar leiðir í kennsluaðferðum. Á haustönninni voru áherslubreytingar t.d. á:
&#8211;          verkefnaskilum úr verklegum áföngum. Munnleg próf í verklegum áföngum hafa verið innleidd
&#8211;          fjölgun vettvangsferða/heimsókna nemenda á vinnustaði
&#8211;          góða vinnuaðstöðu, góð kennslutæki, góð verkefni fyrir nemendur
&#8211;          jákvætt og skapandi umhverfi sem kennarar skapa sjálfir
&#8211;          innleiða snjalltækni í tækjum og verkefnum sem nemendur vinna að
Í tengslum við snjallvæðinguna þá voru töluverðar fjárfestingar á haustönninni í tæknibúnaði fyrir rafiðnaðardeildina þar sem keyptur var hermibúnaður fyrir lýsingartækni og stýringar á ýmsum búnaði sem snjalltæki bjóða uppá, svo sem hitastýringar o.fl. RARIK styrkti skólann myndarlega til að gera þetta kleift, eða um 1,4 milljónir króna.
Frábær aðstaða
Kennarar rafiðnaðardeildarinnar fengu á haustdögum endurnýjað athvarfið sitt í þeim hluta skólans þar sem rafvirkjun er kennd. Athvarfið sem var endurnýjað hýsti áður útvarpið Blómið og er nú hið vistlegasta rými með góðum húsbúnaði sem þarf til að virkja hugvit og gott starfsfólk.
Bæði er hið hefðbundna skólastarf stundað í samblandi við nýjungar en þannig komum við inn nýjum hugsunum og þankagangi um námið sem fleytir okkur áfram á þeim hraða sem tækniheimurinn er á inn í framtíðina.
Vettvangsferðir
Nemendur á fyrstu önn fengu góða heimsókn í september en Rafmennt, sem er endurmenntunardeild Rafiðnaðarsambandsins, kom færandi hendi með vinnubuxur sem eru óspart notaðar af nemendum í verklegum greinum. Jafnframt fengu nemendurnir stutta kynningu á því hvað Rafiðnaðarsambandið og Rafmennt standa fyrir.
Á önninni voru fyrirtæki heimsótt. Nemendur á þriðju önn heimsóttu fiskafurðafyrirtækið Akraborg á Akranesi. Fyrirtækið er í fremstu röð við að sjálfvirknivæða framleiðsluferlið hjá sér frá upphafi til enda. Mikil upplifun er fyrir nemendur að sjá slíkt.
Þá fóru nemendur af fimmtu önn í heildagsferð þar sem gufuaflsvikjunin á Hellisheiði var heimsótt en hún er í eigu Orku náttúrunnar. Þar var vel tekið á móti nemendum og fengu þeir góða kynningu á fyrirtækinu og framleiðsluferlinu. Eins fengu þeir að sjá vélasalinn en allur vélbúnaður virkjunarinnar er innandyra. Eftir hádegisverð á KFC sem er vinsælasti veitingastaður þessa hóps, voru Veitur á Akranesi heimsóttar. Þar var farið yfir veitukerfi Akurnesinga með nemendum auk þess sem aðveitustöð Skagamanna var heimsótt ásamt dreifistöð.
Heimsóknir sem þessar eru nauðsynlegar nemendum svo þeir geti áttað sig á þeim möguleikum og tækifærum sem framundan eru þegar þeir hafa lokið sínu námi.
FabLab
Kennarar og nemendur rafiðnaðardeildar FVA eru sífellt meira farin að nýta sér tæknina sem FABLAB á Akranesi býður uppá en FVA er í samstarfi við Þróunarfélagið Breið um rekstur þess. Í áfanganum um verktækni eru smíðaðar allskonar rafeindarásir og kassar utan um rásirnar eru hannaðar og smíðaðar með það í huga að sú tækni og tækjabúnaður sem er að finna hjá FABLAB-inu er nýttur eins og kostur er. Meðal annars voru nemendur að smíða bluetooth hátalara í vetur. Þeir eru smíðaðir inn í box þar sem útlitið er hannað og framkvæmt í smiðju FABLAB (sjá mynd). Reyndar er FABLAB-ið ekki staðsett hér við Fjölbrautaskólann en væri líklega meira notað af nemendum ef svo væri.
Íslandsmeistaramót 2025
Síðla annar voru rafiðnaðarkennara á landinu öllu boðaðir á TEAMS fund með Rafiðnaðarsambandinu til undirbúnings Íslandsmeistaramóti iðnnema sem haldið verður lok mars 2025. Búið er að útnefna þátttakendur fyrir hönd FVA sem keppa en í rafvirkjun keppa þau Íris Arna Ingvarsdóttir af þriðju önninni, og Elvar Ingi Kristjánsson af fimmtu önn. Fulltrúi skólans í húsasmíði keppr Mattías Bjarmi Ómarsson. Vegleg verðlaun eru í boði, bæði í formi vinnufatnaðar og verkfæra auk þess sem efstu nemendur keppninnar fá þátttöku í Evrópukeppni iðnnema sem að þessu sinni verður haldin í París í Frakklandi.  Undirbúningur þessara tveggja nema fyrir keppnina hefst strax í upphafi næsta árs.
Nemendur og kennarar rafiðnaðardeildarinnar og skólans alls eru ánægð með önnina sem er að líða og hlakka til ævintýra sem bíða á vorönn 2025.
&nbsp;
Trausti Gylfason

Blússandi stuð í rafmagninu

Það var mikil og góð reynsla að fara í gegnum nýafstaðna kosningabaráttu sem oddviti Viðreisnar í Norðvesturkjördæmi. Baráttan var snörp en á sama tíma ótrúlega skemmtileg. Fyrir mig persónulega var brekkan brött þar sem flokkurinn hefur ekki áður náð kjöri í kjördæminu. En ætlunarverkið tókst og ég er afar þakklát fyrir stuðninginn og traustið. Það skiptir miklu máli fyrir Viðreisn að eiga nú þingmenn í öllum kjördæmum. Það mun án efa þroska flokkinn og skilninginn á stöðu hvers landshluta fyrir sig. Skilaboð kjósenda voru skýr – fólkið í landinu er að kalla eftir breytingum. Nú er mikilvægt fyrir nýja ríkisstjórn að svara því kalli með afgerandi hætti.
Innviðaskuldir
Það sem ég tek með mér úr kosningabaráttunni var að það skipti ekki máli hvert ég fór um kjördæmið – rætt var um innviðaskuld og skort á grunnþjónustu. Hvort sem var í samgöngumálum, orkumálum eða heilbrigðismálum. Það verður ekki hjá því litið að þetta er einfaldlega bara staðan. Við megum ekki við áframhaldandi kyrrstöðu í þessum efnum. Nú þarf að þoka málum áfram. Það mun því reyna verulega á okkur sem erum kjörnir fulltrúar fyrir ykkur að halda Alþingi og nýrri ríkisstjórn við efnið. Vera ykkar málsvarar og þoka málum áfram. Það skiptir líka öllu máli að þingmenn kjördæmisins vinni allir sem einn að því að vekja athygli á stöðu kjördæmisins. Það stendur hið minnsta ekki á mér þegar það kemur að slíku samstarfi eða samtali, þvert á flokka, stjórn eða stjórnarandstöðu.
Rafmagnsflökt og ófærð
Ég vil nýta tækifærið og þakka ykkur fyrir að gefa ykkur tíma til að spjalla við mig í kosningabaráttunni, hvort sem var á kennarastofunni, í sundlauginni, á kaffistofunni eða á bensínstöðinni. Allt voru þetta samtöl sem ég tek með mér í veganesti inn í komandi þingvetur. Ég hlakka mikið til að koma sem oftast í heimsókn og halda samtalinu gangandi. Okkar samtal er bara rétt að byrja.
Ég óska íbúum kjördæmisins gleðilegra jóla og vona að þið hafið það hlýtt og gott yfir hátíðarnar. Vonandi flöktir rafmagnið ekki of mikið svo að jólasteikin komist alveg örugglega á hátíðarborðið. Og vonandi verða vegirnir færir svo að fjölskyldan geti á öruggan hátt sameinast um jólin. Maður má hið minnsta vona.
&nbsp;
María Rut Kristinsdóttir
Höfundur er oddviti Viðreisnar í Norðvesturkjördæmi

Þakkir á aðventu

Við frambjóðendur Samfylkingarinnar í Norðvesturkjördæmi viljum nota þetta tækifæri til að koma á framfæri okkar innilegustu þökkum fyrir þann mikla stuðning og hvatningu sem þið hafið sýnt Samfylkingunni í nýafstöðnum kosningum. Ykkar traust er dýrmætt og knýr okkur áfram í baráttunni fyrir betra samfélagi. Samfylkingin bætti verulega við sig í kosningunum og fékk einn þingmann kjörinn í kjördæminu.
Kosningabaráttan var snörp og málefnaleg, og viljum við þakka frambjóðendum annarra flokka fyrir góða viðkynningu, með von um gott samstarf.
Áskoranirnar sem við stöndum frammi fyrir í Norðvesturkjördæmi eru margvíslegar. Eftir fjölmörg samtöl við ykkur kjósendur er ljóst að nokkur lykilmál standa upp úr hvar sem komið er í okkar víðfema kjördæmi. Samgöngur, heilbrigðisþjónusta, orkumál og efnahagslegar áskoranir. Það jafnframt mikil eftirspurn eftir raunverulegri byggðastefnu sem styður við blómlegar byggðir og tryggir að ungt fólk geti séð framtíð sína í kjördæminu.
Við lítum til framtíðar með bjartsýni að leiðarljósi. Við hlökkum til að halda áfram samtalinu og leita lausna við að bæta samfélagið.
Að lokum viljum við óska ykkur og fjölskyldum ykkar gleðilegra jóla og farsæls nýs árs. Megi komandi tími færa ykkur gleði og góðar stundir.
&nbsp;
Með kærri þökk og hlýjum kveðjum,
Frambjóðendur Samfylkingarinnar í Norðvesturkjördæmi
<img width="600" height="450" class="alignnone size-medium wp-image-86216" src="https://umsjon.skessuhorn.is/wp-content/uploads/adsendar-greinar/Pennagrein_Arna-Lara-Jonsdottir-og-fleiri.jpg-600x450.jpeg" alt="" srcset="https://umsjon.skessuhorn.is/wp-content/uploads/adsendar-greinar/Pennagrein_Arna-Lara-Jonsdottir-og-fleiri.jpg-600x450.jpeg 600w, https://umsjon.skessuhorn.is/wp-content/uploads/adsendar-greinar/Pennagrein_Arna-Lara-Jonsdottir-og-fleiri.jpg-300x225.jpeg 300w, https://umsjon.skessuhorn.is/wp-content/uploads/adsendar-greinar/Pennagrein_Arna-Lara-Jonsdottir-og-fleiri.jpg.jpeg 1024w" sizes="(max-width: 600px) 100vw, 600px" />

Kæru íbúar og kjósendur í Norðvesturkjördæmi!

Samkvæmt <a href="https://www.dv.is/frettir/2024/12/9/velgjordarmadur-viktoriu-bidlar-til-utanrikisradherra-allslaus-fatnadar-naudsynja-og-peninga-gotum-borgarinnar/">frétt í DV</a> á dögunum var ungri konu, sem hafði dvalið hér á landi í sjö ár, fylgt úr landi af fjórum lögreglumönnum. Unga konan hafði getið sér gott orð hér og ekki verið til neinna vandræða að séð verður. Hún var handtekin og höfð í haldi klukkutímum saman og síðan fylgt til Tiblísi, ekki til síns heimalands Rússlands, heldur Georgíu, því sem næst allslaus.
Nú berast fréttir af því að enn eigi að vísa úr landi með valdi ungri konu, <a href="https://www.visir.is/g/20242662801d/fram-ur-skarandi-is-lendingur-sendur-ur-landi">skv. frétt á Vísi</a>. Konu sem hefur getið sér gott orð hér á landi eins og hin að sagt er. Allavega er falleg mynd af henni með forseta vorum með fréttinni.
Líklega fagnar öfga hægrið í Sjálfstæðisflokknum og Miðflokknum, og þá ekki síst Klaustursdónarnir þessum aðgerðum.
Það eru óskiljanleg vinnubrögð Útlendingastofnunar og lögreglu að verið sé að senda ungar konur sem þessar í fylgd fjögurra lögreglumanna út í óvissuna. Nær væri að þær fengju landvistarleyfi og kennitölu og gætu þá farið að vinna fyrir sér.
Ef lögreglan hefur ekkert annað og betra að gera en þetta þá er óþarft að fjölga lögreglumönnum fyrst hægt er að fórna nokkurra daga vinnu í óþurftar verkefni sem þessi.
Er ekki rétt að endurskoða verklag og vinnubrögð Útlendingastofnunar? Eitt er að endursenda fólk sem talið er að tengist glæpalýð úr landi, en þetta verklag er eitthvað allt annað og ósiðlegt.
En þetta verklag og vinnubrögð eru með öllu óskiljanleg siðuðu fólki og þjóðinni til skammar.
&nbsp;
Borgarnesi, 10. desember
Guðsteinn Einarsson

Er þörf á að fjölga? – Óþurftar verkefni!

Undanfarið hefur eldgos ógnað byggð í Grindavík. Aurflóð og snjóflóð hafa fallið á vegi og byggð ból, bæði fyrir austan og vestan. Hlaup koma reglulega í ár sem flæða þá yfir allar koppagrundir og tjón verður reglulega á jarðskjálftasvæðunum á Suðurlandi og á Tjörnesbrotabeltinu fyrir norðan. Það ætti því að vera forgangsatriði þeirra sem skipuleggja byggð og samgöngumannvirki að haga skipulaginu þannig að sem minnstar líkur verði á að tjón hljótist af náttúruhamförum. Sérlega þar sem þekking okkar á umhverfinu vex með auknum rannsóknum og bættri tækni til að fylgjast með náttúrunni og sífellt meiri vinna er lögð í skipulagsgerð hverskonar.
Básendaflóðið
Margt er manni í bernskuminni enda bar ýmislegt við hér í den eins og gengur. Þó ég ætli ekki að þykjast muna Básendaflóðið 1799 man ég þó að það bar oft á góma þegar ég var krakki vestur í Staðarsveit enda gekk mikið á þegar ósköpin dundu þar yfir. Sjór gekk þá meira en kílómetra á land upp við ósa Staðarár og Björnsár. Þegar flóðinu slotaði hafði sjór rofið skörð í jarðvegsþekjuna við ströndina. Vatnsflóinn í Staðará varð til í þessu flóði og Björnsá færðist úr farvegi sínu og rennur nú til sjávar mun austar en áður var. Enn sér þessa flóðs stað ofan við Vatnsflóann.
Í sama flóði varð tjón á bátum og húsum víða við suðvestur- og vestur ströndina. Sjór gekk yfir Seltjarnarnes við Lambastaði. Í Borgarfjarðar- og Mýrasýslum skemmdust eða eyðilögðust um 50 bátar. Til eru lýsingar á glímu Akurnesinga við flóðið sem braut hús á Breið.
Íþróttahús á landfyllingu
Nú virðist sveitarstjórn Borgarbyggðar hafa einsett sér að láta byggja hús fyrir tvo milljarða á lágri landfyllingu í utanverðum Borgarvogi. Í miklu brimi þegar sjór gengur á land eru setlög það sem skolast til, sjávarrof verður sjaldnast með svo miklum ósköpum að berglög láti undan. Þó getur það gerst þar sem strönd er fyrir opnu hafi. Hér er vissulega vörn í grynningum í Borgarfirði og djúpum firðinum. Engu að síður er djarft teflt að byggja á þessum stað þar sem landleysi er sýnilega ekki yfirþyrmandi í sveitarfélaginu.
Auðvitað má segja að menn hafi ekki vítin til að varast þar sem engin íþróttahús hafa farið í sjóinn á Íslandi svo vitað sé, bara fokið. Þó verð ég að viðurkenna að mér finnst með miklum ólíkindum hvað menn eiga erfitt með að horfa til baka og skoða hvar læra megi af sögunni. Vonandi er það ekki um seinan í þessu tilviki.
&nbsp;
Finnbogi Rögnvaldsson

Barnsminni

Eftirfarandi ályktun var samþykkt einróma á aðalfundi Stjórnarskrárfélagsins 5. desember síðastliðinn:
„Fundurinn hvetur næstu ríkisstjórn Íslands til að svara af stórhug ákalli kjósenda um breytingar. Ekki aðeins varðandi efnahagsmál heldur einnig lýðræði og stjórnarfar í landinu.
Að viðurkenna úrslit kosninga er ófrávíkjanleg regla í lýðræðisríki. Að brjóta þá grundvallarreglu setur stórhættulegt fordæmi fyrir því að Alþingi geti sniðgengið úrslit kosninga og lýðræðislegan vilja meirihluta þjóðarinnar eftir geðþótta. Þannig væri til dæmis hægt að efna til þjóðaratkvæðagreiðslu um framhald aðildarviðræðna við ESB en virða niðurstöðuna að vettugi ef hún hentaði ekki meirihlutanum á Alþingi hverju sinni.
Alþingi hefur á 12 árum ekki auðnast að sigla stjórnarskrármálinu í höfn. Það hlýtur að teljast fullreynt. Til að rjúfa kyrrstöðuna er lagt til að Alþingi kalli saman slembivalið stjórnlagaþing almennra borgara. Þingið hefði það hlutverk að leggja lokahönd á tillögurnar sem samþykktar voru í þjóðaratkvæðagreiðslu 2012 sem grundvöllur nýrrar stjórnarskrár og fá þær Alþingi í hendur. Stjórnlagaþingið vinni með lýðræðislegar grundvallarreglur að leiðarljósi og virðingu við úrslit atkvæðagreiðslunnar, eins og nánar er líst í áskorun Stjórnarskrárfélagsins frá 23. nóvember síðastliðnum.<a href="https://www.visir.is/g/20242654055d/nyja-stjornar-skrain-al-thingi-rjufi-stodnunina-med-stjornlagathingi"> Sjá hér</a>
Stjórnarskrárfélagið áréttar kröfuna um að úrslit kosninga séu viðurkennd og að tillögur að nýrri stjórnarskrá sem yfir 2/3 hlutar kjósenda (67%) samþykktu sem grundvöll nýrrar stjórnarskrár í þjóðaratkvæðagreiðslu verði afgreiddar af heilindum og virðingu við lýðræðislega niðurstöðu atkvæðagreiðslunnar.“
&nbsp;
Stjórn Stjórnarskrárfélagsins
<img width="600" height="443" class="alignnone size-medium wp-image-85901" src="https://umsjon.skessuhorn.is/wp-content/uploads/adsendar-greinar/Pennagrein_Stjornarskrarfelagid.jpg-600x443.jpeg" alt="" srcset="https://umsjon.skessuhorn.is/wp-content/uploads/adsendar-greinar/Pennagrein_Stjornarskrarfelagid.jpg-600x443.jpeg 600w, https://umsjon.skessuhorn.is/wp-content/uploads/adsendar-greinar/Pennagrein_Stjornarskrarfelagid.jpg-300x221.jpeg 300w, https://umsjon.skessuhorn.is/wp-content/uploads/adsendar-greinar/Pennagrein_Stjornarskrarfelagid.jpg.jpeg 828w" sizes="(max-width: 600px) 100vw, 600px" />

Fréttaveita Vesturlands

Ferðaþjónustufólk kemur saman

Arnheiður Jóhannsdóttir

Fellsendarétt

Finnbogi Harðarson

Hjartans þakkir og áramót!

Ingibjörg Davíðsdóttir

„Þetta er algerlega galið“

Hjörtur J. Guðmundsson

Blússandi stuð í rafmagninu

Trausti Gylfason

Þakkir á aðventu

María Rut Kristinsdóttir

Kæru íbúar og kjósendur í Norðvesturkjördæmi!

Arna Lára Jónsdóttir og fleiri

Er þörf á að fjölga? – Óþurftar verkefni!

Guðsteinn Einarsson

Barnsminni

Finnbogi Rögnvaldsson

Stórhættulegt fordæmi að viðurkenna ekki úrslit kosninga

Stjórnarskrárfélagið