Sveitarstjórn Hvalfjarðarsveitar samþykkti á fundi sínum 11. febrúar síðastliðinn tillögu oddvita um að styrkja Björgunarfélag Akraness um tvær milljónir króna vegna kaupa á björgunarskipinu Gísla Jóns frá Ísafirði. Sveitarstjórn samþykkti vegna þessa viðauka nr. 1. við fjárhagsáætlun ársins 2026, en tekið er fram að auknum útgjöldum verði mætt með lækkun á handbæru fé. Gísli Jóns…Lesa meira

Vegna nauðsynlegra viðgerða á stofnlögn hitaveitunnar í Dalabyggð verður heitavatnslaust frá klukkan 9:00 til 14:00 á laugardaginn, 14. febrúar. „Áætlað er að áhleyping hefjist aftur um kl. 14:00 og að fullum afköstum verði náð fyrir kl. 20:00. Nánari upplýsingar veitir stjórnstöð Rarik í síma 528-9000,“ segir í tilkynningu. Ath! Í upphaflegri útgáfu fréttarinnar var sagt…Lesa meira

Í göngudagskrá Ferðafélags Borgarfjarðarhéraðs fyrir árið 2026 er kynnt sú nýjung að auglýsa stuttar gönguferðir í hverjum mánuði með skömmum fyrirvara seinni hluta vetrar, þegar vitað er að veðurspá er hagstæð. Fyrsta gönguferðin af þessu tagi hefur nú verið auglýst og verður hún gengin í Hvítársíðu næstkomandi laugardag, 14. febrúar. Í tilkynningu frá félaginu kemur…Lesa meira

Karlalið ÍA í knattspyrnu vann sinn fyrsta sigur í Lengjubikarnum í gær þegar liðið heimsótti Gróttu á Seltjarnarnes. Staðan var markalaus í hálfleik en í byrjun þess síðari kom hinn 17 ára Gabríel Snær Gunnarsson Skagamönnum yfir. Steinar Þorsteinsson bætti öðru marki við fyrir gestina nokkrum mínútum síðar, áður en Grímur Ingi Jakobsson minnkaði muninn…Lesa meira

Halla Tómasdóttir forseti Íslands afhenti Íslensku bókmenntaverðlaunin og íslensku glæpasagnaverðlaunin Blóðdropann á Bessastöðum í gær. Verðlaunaféð er ein milljón króna fyrir hvert verðlaunaverk og eru í boði Félags íslenskra bókaútgefenda. Verðlaunagripurinn Blængur, blásvartur hrafn steyptur í kopar, eftir myndlistarmanninn Matthías Rúnar Sigurðarson, var afhentur verðlaunahöfum. Soffía Björg Óðinsdóttir frá Einarsnesi spilaði og söng lag í…Lesa meira

Næstu daga er spáð mjög köldu veðri um landið og inn til landsins verður víða grimmdarfrost, upp undir 30 gráður á jöklum og hálendinu. Norðlæg átt verður ríkjandi næstu daga og víða él, einkum þó um norðan- og austanvert landið. Um vestanvert landið mun hanga þurrt en á mánudaginn er spáð norðlægri eða breytilegri átt…Lesa meira

Kerlingaskarðshlaupið er á döfinni 23. maí næstkomandi. Er þetta í annað skipti sem það verður hlaupið. Í rafrænu tíðindariti Sveitarfélagsins Stykkishólms, Helstu fréttum, er sagt frá þessu 14 kílómetra utanvegahlaupi sem fer um malarslóða á Kerlingarskarði. „Leiðin tengir saman suður- og norðurhluta Snæfellsness og býður upp stórbrotna náttúru í Kerlingarskarði. Hlaupið hefst á norðanverðu nesinu,…Lesa meira

Alls voru 51.853 íslenskir ríkisborgarar með skráð lögheimili erlendis 1. desember síðastliðinn. Flestir voru skráðir í Danmörku, eða 12.786 einstaklingar. Næst flestir eða 9.348 voru skráðir í Noregi og í þriðja sæti var Svíþjóð þar sem 9.229 íslenskir ríkisborgarar voru skráðir með lögheimili. 61,7% íslenskra ríkisborgara, sem eru með skráð lögheimili erlendis, eru á Norðurlöndunum.…Lesa meira

Dr. Ólína Kjerúlf Þorvarðardóttir, forseti félagsvísindadeildar Háskólans á Bifröst, hefur tekið við sem settur rektor skólans. Hún mun gegna starfinu tímabundið á meðan unnið er að ráðningu nýs rektors, í kjölfar þess að dr. Margrét Jónsdóttir Njarðvík lét af störfum. Ólína hefur gegnt stöðu deildarforseta félagsvísindadeildar við Háskólann á Bifröst frá 2022 og verið staðgengill…Lesa meira

Þessa dagana er verið að klæða viðbyggingu á verksmiðjuhúsi Norðursalts á Reykhólum. Þetta kemur fram á vef Reykhólahrepps. Um límtréshús er að ræða, klætt með yleiningum. Það er um níu metra hátt og er tæplega 90 fm að grunnfleti. Þarna er verið að byggja yfir sjótanka verksmiðjunnar, en með því vinnst að hitastig í þeim…Lesa meira