Þrír létust þegar flugvél brotlenti á hálendinu austanverðu síðdegis í gær. Tveir farþegar voru um borð í flugvélinni ásamt flugmanni. Þeir voru allir úrskurðaðir látnir á vettvangi. Umfangsmikil leit hófst undir kvöld um leið og boð barst frá neyðarsendi vélarinnar. Allar tiltækar björgunarsveitir á Austurlandi og fleiri voru kallaðir til leitar. Flak vélarinnar fannst um…Lesa meira

Lið Kára gerði 3:3 jafntefli þegar liðið heimsótti Magna til Grenivíkur á laugardag í 3. deildinni. Marteinn Theódórsson tryggði jafnteflið með marki úr vítaspyrnu í uppbótartíma. Það voru heimamenn í Magna sem náðu forystunni á 12. mínútu leiksins þegar Kristófer Óskar Óskarsson skoraði úr vítaspyrnu. En Káramenn náðu af jafna metin á 28. mínútu með…Lesa meira

Reynir frá Hellisandi vann góðan 3:2 sigur gegn Breiðhyltingum í KB í A-riðli 5. deildar í leik sem fram fór á Ólafsvíkurvelli á laugardaginn. Það var Heimir Þór Ásgeirsson sem kom Reynismönnum yfir strax á 9. mínútu leiksins en Emil Örn Benediktsson náði svo að jafna leikinn fyrir Breiðhyltinga á 38. mínútu. Aðeins tveimur mínútum…Lesa meira

Hljóðheimur víólunnar – tónleikar fyrir tvær víólur og hús, verða á dagskrá á tveimur stöðum á Vesturlandi næstu daga. Þeir fyrri verða í Akranesvita fimmtudaginn 13. júlí kl. 17 en þeir síðari í Vatnasafninu í Stykkishólmi föstudaginn 14. júlí klukkan 17. Íslensk-þýska víóludúóið Duo Borealis er skipað Önnu Hugadóttur og Annegret Mayer-Lindenberg. Þau fagna 20…Lesa meira

Landssambandi smábátaeigenda barst fyrir helgi svar frá Matvælaráðuneytinu við erindi félagsins þar sem óskað var eftir 4.000 tonna hækkun á aflaviðmiðun strandveiðisjómanna í þorski. „Vísað er til erindis Landssambands smábátaeigenda til matvælaráðherra, dags. 25. júní sl., þar sem farið er þess á leit við ráðherra að koma í veg fyrir stöðvun strandveiða með hækkun aflaviðmiða…Lesa meira

Veðrið hefur leikið við landsmenn um helgina. Á Vesturlandi hefur hitinn farið í 24 stig, meðal annars í Húsafelli, en örlítið svalara er út við ströndina enda golan vestanstæð. Meðfylgjandi myndir voru teknar við Langasand á Akranesi nú rétt í þessu. Þar er fjölmenni sem nýtur útiverunnar, fjölskyldufólk að byggja sandkastala, fólk að kæla sig…Lesa meira

Skagakonur gerður góða ferð til Hornafjarðar á sunnudaginn og sigruðu þar botnlið Sindra örugglega 7:0. Róberta Lilja Ísólfsdóttir gaf tóninn strax á annarri mínútu leiksins þegar hún skoraði fyrsta mark leiksins fyrir Skagakonur. Á 11. mínútu bætti Bryndís Rún Þórólfsdóttir öðru marki við og á 23. mínútu varð Telma Pais Bastos í liði Sindra fyrir…Lesa meira

Í gærkvöldi fluttu björgunarsveitir á hálendisvakt Landsbjargar í Landmannalaugum um 20 farþega úr rútu sem fests hafði á vaði ár við Illagil að Fjallabaki. Bilun virðist hafa orðið í rútunni, sem gerði það að verkum að ekki var hægt að koma henni í gang í ánni. Ekki gekk að draga rútuna vélarvana upp úr ánni…Lesa meira

Skagamenn lönduðu sínum fimmta sigri í röð þegar þeir lögðu lið Njarðvíkur að velli 2:1 á Akranesvelli á föstudagskvöldið. Skagamenn byrjuðu leikinn nokkuð vel og strax á 7. mínútu átti Viktor Jónsson hörkuskot í þverslá eftir að varnarmaður Njarðvíkinga hafði áður bjargað á marklínu og boltinn barst síðan til Viktors. Eftir þetta voru heimamenn áfram…Lesa meira

Víkingur Ólafsvík gerði á föstudagskvöldið markalaust jafntefli gegn KV á KR vellinum í Frostaskjóli. Víkingar höfðu unnið þrjá síðustu leiki sína en varð að sætta sig við eitt stig í Vesturbænum. Þrátt fyrir það er liðið enn á toppi 2. deildar með 23 stig, þremur stigum meira en KFA og KFG. Dalvík/Reynir er í fjórða…Lesa meira