adsendar-greinar Mannlíf

Opna vefsíðu með fyrir eldra fólk

Síðastliðinn föstudag var opnuð ný vefsíða fyrir eldri aldurshópa. Hún heitir Aldur er bara tala og er vefslóðin aldur.is. Markmið síðunnar er að gefa eldri aldurshópum tækifæri til að hafa aðgang að fræðslu og ráðgjöf um mál er þá varða hvar sem þeir eru búsettir á landinu en mikil fjölgun er í hópi þeirra eldri borgara sem hafa náð að tileinka sér tölvutæknina. En eins og nafnið gefur til kynna þá er aldur bara tala og markmiðið er jafnframt að yngri aldurshópar og starfsfólk í öldrunarþjónustunni hafi gagn og gaman að því að skoða síðuna.

„Aldur er bara tala“ er ætlað að veita leiðbeiningar, stutta ráðgjöf og fræðslu til eldri aldurshópa þar sem hægt er að senda fyrirspurnir í gegnum fyrirspurnarform á forsíðunni. Úrdráttur úr fyrirspurn og svari er síðan birt á síðunni til að það nýtist öllum og að sjálfsögðu undir nafnleynd. Að þessari ráðgjöf og fræðandi greinum koma Sólrún Erla Gunnarsdóttir félagsráðgjafi, Soffía Eiríksdóttir hjúkrunarfræðingur og Guðný Stella Guðnadóttir öldrunarlæknir. Fleira fagfólk mun bætast í hópinn síðar.

„Aldur er bara tala á einnig að hafa afþreyingargildi og jákvæð áhrif á heilsu og líðan með uppbyggilegum og skemmtilegum greinum og viðtölum. Við tökum einnig vel á móti innsendum greinum og vangaveltum er snúa að því göfuga hlutverki að fá að eldast. Aldur er bara tala er verkefni sem kemur til með að þróast með þeim sem nýta síðuna og eru því allar ábendingar og efni vel þegið á aldur@aldur.is,“ segir í tilkynningu.

Líkar þetta

Fleiri fréttir

Stormur í Hjarðarholtskirkju

Í gærkvöldi voru tónleikar haldnir í Hjarðarholtskirkju í Dölum. Tvær ungar konur; Ásta Soffía Þorgeirsdóttir og Kristina Farstad Bjordal, sem... Lesa meira

Vefurinn List fyrir alla

Nú má nálgast yfirlit yfir öll menningarhús, sýningar, söfn og setur sem miðla list og menningu til barna og ungmenna... Lesa meira