„Þetta byrjaði vel. Það komu níu laxar á land í morgun og við Andrés fengum þrjá þeirra. Kirkjustrengurinn gaf vel,“ sagði Aðalsteinn Pétursson við opnun Þverár nú í morgun. Hver laxveiðiáin af annarri opnar þessa dagana og fyrstu dagarnir virðast almennt vera að gefa vel. „Það veiddust þrír á undan okkar í Kirkjustrengnum og við…Lesa meira

Kynntust í gegnum prjónaheiminn Síðastliðinn sunnudag var opnuð ný hannyrðaverslun að Stekkjarholti 8-10 á Akranesi, en hún er opin á þriðju- og fimmtudögum frá klukkan 17-19 og á sunnudögum frá kl. 12-14. Verslunina reka tvær ungar og framtakssamar konur; Fanney Rún Ágústsdóttir og Ína Sigrún Rúnarsdóttir, en þær kynntust í gegnum sameiginlegan áhuga á hannyrðum,…Lesa meira

Hrundið hefur verið af stað undirskriftasöfnun á island.is undir yfirskriftinni: „Ferjuna Baldur strax til baka í Breiðafjörð.“ Nú þegar hefur á sjötta hundrað skrifað undir áskorunina, en hún verður opin til 15. júní. Ábyrgðarmaður er Óskar Eyþórsson. Yfirskrift söfnunarinnar er þannig: „Við sem skrifum undir þennan lista krefjumst þess að ákvörðun um að taka ferjuna…Lesa meira

Á stuðningsmannasíðu knattspyrnuliðsins Feyenoord í Hollandi var nýlega minnst á Pétur Pétursson knappstyrnumann og saga hans með félaginu rifjuð upp. Pétur varð goðsögn með liðinu, en með því lék hann í tvígang; árin 1978–1981 og aftir 1984–1985. Pétur spilaði 107 leiki með liðinu, skoraði í þeim 60 mörk, varð bikarmeistari 1980 og skoraði sjálfur tvö…Lesa meira

Ýmis mál komu til kasta Lögreglunnar á Vesturlandi í vikunni sem leið. Þannig var eitt skemmdarverk tilkynnt til lögreglu. Tveir einstaklingar tilkynntu um fjársvik og eitt umferðarslys varð í vikunni. Einn var kærður fyrir vörslu fíkniefna og annar fyrir þjófnað. Þá tók lögregla þátt í aðgerðum vegna bátsbruna á Breiðafirði, sem sagt er frá í…Lesa meira

Markaðsstofa Vesturlands skipulagði vettvangsferð á Vesturlandi fyrir stýrihóp Stjórnarráðsins vegna almyrkvans 12. ágúst í sumar. Hlutverk stýrihópsins er að afla upplýsinga og hafa yfirsýn yfir verkþætti sem tengjast atburðinum og tryggja samræmda nálgun og upplýsingagjöf ráðuneyta og stofnana auk sveitarfélaga. Hópurinn var á ferðinni í gær. Viktor Ingi Jakobsson verkefnisstjóri upplýsinga- og kynningarmála hjá Borgarbyggð…Lesa meira

Fjölgun iðkenda, nýtt klúbbhús og stækkun golfvallarins meðal helstu áskorana Það vekur athygli að golf hefur á síðustu árum styrkt stöðu sína mjög og er nú ein stærsta einstaklingsíþrótt landsins. Knattspyrnan heldur þó enn efsta sætinu með nokkrum yfirburðum, en merkilegt nokk þá eru fimleikar þriðja fjölmennasta íþróttagreinin. Þar á eftir koma svo hestaíþróttir og…Lesa meira

Vegna viðhaldsvinnu Landsnets við aðveitustöðina á Vatnshömrum í Andakíl verður rafmagnslaust á öllu Snæfellsnesi og í Borgarfirði, þ.m.t. Stykkishólmi, Grundarfirði, Ólafsvík, Hellissandi, Vegamótum og Borgarnesi, frá miðnætti og til klukkan 02:10 í nótt; aðfaranótt fimmtudagsins 11. júní. „Viðskiptavinir eru hvattir til að gera viðeigandi ráðstafanir vegna þessa. Nánari upplýsingar veitir stjórnstöð í síma 528-9000.“Lesa meira

Næstkomandi föstudag frá klukkan 14-18 verður sameiginlegur skoðunardagur Fornbílafjelags Borgarfjarðar og Raftanna hjá Frumherja við Sólbakka í Borgarnesi. Frumherji mun bjóða upp á grillaðar pylsur og gos af þessu tilefni. Viðbúið er að margir eldri vélfákar, sem alla jafnan eru ekki í umferðinni, mæti á svæðið.Lesa meira

Síðastliðinn fimmtudag var haldin í Hjálmakletti í Borgarnesi uppskeruhátíð þróunarverkefnisins Mál og læsi – snemmtæk íhlutun í leikskólum Borgarbyggðar. Hátíðin var haldin í tilefni af lokum fyrsta innleiðingarárs verkefnisins. Allir leikskólar í Borgarbyggð tóku þátt í verkefninu, en það var unnið í samstarfi við Miðstöð menntunar og skólaþjónustu. „Á árinu hafa leikskólarnir rýnt í málörvunarstarfið…Lesa meira