Eigendur fiskvinnslu- og útgerðarfyrirtækisins Valafells ehf. í Ólafsvík hafa komist að samkomulagi við KG Fiskverkun ehf. í Rifi um kaup þess síðarnefnda á öllu hlutafé í Valafelli. Samningar aðila eru gerðir með fyrirvara um samþykki Samkeppniseftirlitsins. Í tilkynningu vegna kaupanna kemur fram að fyrirætlanir nýrra eigenda séu að efla enn frekar starfsemi sína í Snæfellsbæ.…Lesa meira

Nemendur á yngsta stigi í Grunnskóla Snæfellsbæjar á Hellissandi skelltu sér í árlega berjaferð sína föstudaginn 10. september í góðu haustveðri. Farið var með rútu út fyrir Snæfellsjökul, stoppað á sama stað eins og svo oft áður á móts við Saxhól. Þar er gott berjaland og aðstæður góðar fyrir ungt berjatínslufólk. Berjaspretta á landinu hefur…Lesa meira

Fundargerð yfirkjörstjórnar Norðvesturkjördæmi og skýrsla um framkvæmd talningar hefur nú verið send landskjörstjórn. Þar er vinna kjörstjórnar rakin lið fyrir lið, meðal annars flutningur og móttaka kjörgagna og fleira. Í skýrslunni er útskýrt af hverju ákveðið var að ráðast í endurtalningu atkvæða í kjördæminu á sunnudaginn, en lokatölur úr fyrri talningu höfðu verið sendar og…Lesa meira

Á fundi sveitarstjórnar Hvalfjarðarsveitar á þriðjudaginn var lagt fram erindi frá Mílu þar sem fyrirtækið lýsti áhuga á að taka upp þráðinn í viðræðum um að kaupa ljósleiðarakerfi Hvalfjarðarsveitar. Oddviti lagði til að sveitarstjórn myndi fela sveitarstjóra að hefja undirbúning að íbúakosningu um vilja til sölu ljósleiðarakerfisins. Var sú tillaga samþykkt með öllum greiddum atkvæðum.Lesa meira

Það var góð stemning á mánudaginn þegar Félagsstarf Akraneskaupstaðar flutti formlega í nýja húsnæðið á Dalbraut 4. Þar fór fram kynning á starfseminni sem verður í vetur og þar má nefna almenna handavinnu, föndurnámskeið ásamt ýmsum nýjungum sem kynntar verða síðar. Að sögn Ingigerðar Guðmundsdóttur hjá Akraneskaupstað verður vetrarstarfið opið alla virka daga milli klukkan…Lesa meira

Skessuhorn sló í byrjun vikunnar á þráðinn til nýrra þingmanna Norðvesturkjördæmis og spurði út í úrslit kosninganna og hver væru helstu verkefni næsta kjörtímabils. Stefán Vagn Stefánsson nýkjörinn þingmaður Framsóknarflokksins í Norðvesturkjördæmi sagði: „Ég er mjög þakklátur og auðmjúkur eftir svona niðurstöðu. Þetta er glæsileg kosning sem við fáum í þessu kjördæmi og á landinu…Lesa meira

Á fundi sveitarstjórnar í Dalabyggð 12. ágúst síðastliðinn var samþykkt að hefja undirbúning fyrir alútboð á nýjum íþróttamannvirkjum í Búðardal. Í lok síðustu viku var auglýst eftir þátttakendum í forvali fyrir þátttöku í alútboðinu. Að sögn Kristjáns Sturlusonar sveitarstjóra var ákveðið að byrja á forvali svo sveitarstjórn fái hugmynd um hversu mikill áhugi er á…Lesa meira

Nú virðist allra veðra von og haustlægðirnar bæði aðskotaillar og snemma á ferðinni. Í kjölfar óveðurs sem gekk yfir allt norðvestanvert landið í gær urðu strax annir á dekkjaverkstæðum enda dæmi um að vegfarendur hafi lent í vandræðum á fjallvegum á illa búnum bílum sínum. Meðal þeirra bíla sem fékk vetrardekkin undir í morgun var…Lesa meira

Knattspyrnufélag ÍA verður með upphitun fyrir stuðningsmenn ÍA næsta föstudagskvöld í Frístundamiðstöðinni á Garðavelli og hefst klukkan 19. Daginn eftir á laugardeginum mæta Skagamenn liði Keflavíkur í undanúrslitum Mjólkurbikarsins á Akranesvelli og hefst leikurinn klukkan 12 á hádegi. Í tilkynningu frá Knattspyrnufélagi ÍA segir að nú sé orðið tímabært að hittast, slá á létta strengi…Lesa meira

ÍA lék sinn fyrsta leik í vetur í 1. deild karla í körfubolta þegar þeir léku gegn liði Hauka í íþróttahúsinu við Vesturgötu í gærkvöldi. Skagamenn fengu óvænt sæti í fyrstu deildinni þegar þeir þáðu boð KKÍ að taka sæti Reynis Sandgerði sem lét það frá sér um miðjan september. Haukar hins vegar féllu úr…Lesa meira