medium

large

thumbnail

1536x1536

2048x2048

small

custom-size

Sturluhátíð fjölsótt í blíðviðri helgarinnar

Erkifjendurnir mætast á Akranesi í kvöld

Gleði einkenndi Símamótið í Kópavogi

Jonas Gemmer nýr liðsmaður ÍA

Víkingar vann sinn leik en Kári tapaði

Samþykkti uppsetningu búnaðar til veðurmælinga vegna vindorkuvera

Nú fer í hönd tími óhefðbundinna skreytinga í aðdraganda jóla og áramóta. Um leið skapast aukin eldhætta, ekki síst ef kveikt er á kertum. Þá þarf að yfirfara eldvarnarbúnað, æfa flótta úr íbúðarhúsnæði og annað sem gerir okkur hæfari til að bregðast við ef eldur verður laus. Bjarni Kristinn Þorsteinsson slökkviliðsstjóri í Borgarbyggð vill koma á framfæri til lesenda nokkrum heilræðum:
<ul>
<li>Reykskynjarar eru sjálfsögð og ódýr líftrygging. Skipta skal um reykskynjara á tíu ára fresti. Rafhlöður skal endurnýja ár hvert og gjarnan í byrjun desember eða oftar ef þörf er á.</li>
<li>Átt þú handslökkvitæki? Er það í lagi? Hvenær var það síðast yfirfarið?</li>
<li>Slökkvitæki á að vera á sýnilegum stað, ekki í felum inni í skáp.</li>
<li>Ofhlöðum ekki fjöltengi og gætum að gömlum og lélegum rafbúnaði.</li>
<li>Notum ávalt viðurkenndar rafvörur og fjöltengi með slökkvara og gaumljósi.</li>
<li>Eldvarnarteppi skal vera í hverju eldhúsi og á aðgengilegum og sýnilegum stað.</li>
<li>Gerum flóttaáætlun úr íbúinni vegna eldsvoða með öllum á heimilinu og æfum hana reglulega. Tvær greiðar flóttaleiðir úr hverri íbúð!</li>
<li>Gætum varúðar í umgengni við kertaljós og skreytingar, skiljum börn aldrei eftir eftirlitslaus nærri logandi kertum eða eldi.</li>
<li>Aðgætum íbúðir okkar áður en gengið er til hvílu, eða þær eru yfirgefnar að degi til. Athugum sérstaklega hvort nokkursstaðar logi á kerti eða skreytingum.</li>
<li>Logandi kertaljós séu aldrei höfð í gluggum vegna dragsúgs og lausra gardína!!</li>
<li>Dreifið sem mest raforkunotkun við matseld um jól og áramót. Það kemur í veg fyrir hugsanleg óþægindi vegna mikils álags á dreifikerfi rafmagns.</li>
<li>Ullar- eða leðurvettlingar á höndum og öryggisgleraugu á öll nef við meðferð flugelda um áramót.</li>
<li>Munum 112 Neyðarlína ef slys, veikindi eða eldsvoða ber að höndum.</li>
</ul>
&nbsp;
Með góðri kveðju,
Bjarni K. Þorsteinsson, slökkviliðsstjóri í Borgarbyggð.

Gætum varúðar í aðdraganda jóla og áramóta