medium

thumbnail

small

custom-size

Erkifjendurnir mætast á Akranesi í kvöld

large

1536x1536

2048x2048

Gleði einkenndi Símamótið í Kópavogi

Jonas Gemmer nýr liðsmaður ÍA

Víkingar vann sinn leik en Kári tapaði

Samþykkti uppsetningu búnaðar til veðurmælinga vegna vindorkuvera

Vestfjarðavegi við Haukadalsá í Dölum lokað í sólarhring

core/paragraph

Sturluhátíð var haldin á Staðarhóli í Saurbæ í Dölum sl. laugardag en hún hefur fest sig í sessi þar sem litið er um öxl nokkrar aldir aftur í tímann til tíma Sturlu Þórðarsonar, sagnaritarans mikla. Hátíðin var afar vel sótt eins og oft áður en á þriðja hundrað manns sóttu Staðarhól heim, hlýddu á erindi í félagsheimilinu Tjarnarlundi og nutu þar kaffiveitinga.

Dagskráin hófst á Staðarhóli með stuttri tölu Einars K. Guðfinnssonar, formanns Sturlufélagsins, en í kjölfarið afhjúpaði stjórn félagsins fimmta og síðasta skiltið sem komið hefur verið upp á Staðarhóli. Gestir og vegfarendur um Staðarhólsdal eiga því enn auðveldara með að kynna sér sögu sagnaritarans á Staðarhóli og um leið sett sig inn í sjónarhorn og aðstæður hans með beinum hætti. Unnið hefur verið að gerð stærra bílastæðis við bæinn.

Áfram hélt dagskráin í félagsheimilinu Tjarnarlundi skammt frá Staðarhóli þar sem fyrsta erindi var flutt af Guðna Th. Jóhannessyni, prófessor og fyrrverandi forseta. Fjallaði hann á léttan og spauglegan hátt um sannleiksgildi bókmennta og fræða frá sjónarhóli sagnfræðings sem vildi ekki skálda. Benti hann á að Sturla Þórðarson, kollegi hans frá fyrri tíð, hefði jú; „hann þurfti ekki að þola ritrýni, sæta jafningja vitna til heimilda eða annað því um líkt,“ sem þekkist í starfi sagnfræðinga. Í dag séu sagnfræðingum þó settar stífari skorður um að hafa skuli það sem sannara reynist og vísað skuli að fullu til heimilda. Sturla hafi þó búið við það frelsi að vera bæði titlaður skáld og sagnfræðingur í senn.

Því næst fjallaði Elín Bára Magnúsdóttir, sjálfstætt starfandi fræðimaður, um Sturlu sem höfund Íslendingasagna og stílmælingar á útvöldum Íslendingasögum. Í lokin las rithöfundurinn Einar Kárason valda búta úr verkum Sturlu en hann hefur lagt sitt að mörkum við að færa sögusvið Sturlungaaldar til nútímans með útgáfu hins margrómaða sagnabálks um átök, mannvíg, skáld og höfðingja þess tíma. Á milli erinda söng Jóhanna Þórhallsdóttir við píanóundirleik Arnhildar Valgarðsdóttur.

Mikil ánægja var með hátíðina og bættust enn skráningar í Sturlufélagið sem hélt aðalfund sinn sama dag en það mun áfram vinna að uppbyggingu á Staðarhóli sem og að koma fróðleik á framfæri.

core/image

<figure class="wp-block-image size-large is-style-default"><img src="https://umsjon.skessuhorn.is/wp-content/uploads/2025/07/Sturluhatid-fjolsott-i-blidvidri_2-1200x800.jpg" alt="" class="wp-image-93341" /><figcaption>Fjöldi gesta á Staðarhóli þar sem unnið hefur verið að því að gera staðinn og sögu Sturlu og Sturlungaaldar aðgengilega áhugasömum.</figcaption></figure>

<figure class="wp-block-image size-large is-style-default"><img src="https://umsjon.skessuhorn.is/wp-content/uploads/2025/07/Sturluhatid-fjolsott-i-blidvidri_3-1200x800.jpg" alt="" class="wp-image-93342" /><figcaption>Á meðan dagskrá stóð var leiðsögufólk frá Eiríksstöðum með forna leiki og þrautir fyrir börn en Eiríksstaðahátíðin fór einnig fram í Dölunum um helgina.</figcaption></figure>

<figure class="wp-block-image size-large is-style-default"><img src="https://umsjon.skessuhorn.is/wp-content/uploads/2025/07/Sturluhatid-fjolsott-i-blidvidri_4-1200x800.jpg" alt="" class="wp-image-93343" /><figcaption>Tjarnarlundur var svo þétt setinn að stólar hússins dugðu vart fyrir gestina sem sóttu hátíðina og gilti því að þröngt máttu sáttir sitja sem svo var.</figcaption></figure>

<figure class="wp-block-image size-large is-style-default"><img src="https://umsjon.skessuhorn.is/wp-content/uploads/2025/07/Sturluhatid-fjolsott-i-blidvidri_5-1200x800.jpg" alt="" class="wp-image-93344" /><figcaption>Prófessorinn og fyrrverandi forseti Íslands, Guðni Th. Jóhannesson, setur sig í spor kollega sinna fyrr á öldum, sagnfræðinga sem færa okkur innsýn inn í sögu lands og þjóðar.</figcaption></figure>

Fréttaveita Vesturlands

Sturluhátíð fjölsótt í blíðviðri helgarinnar