medium

large

thumbnail

1536x1536

2048x2048

small

custom-size

Sturluhátíð fjölsótt í blíðviðri helgarinnar

Gleði einkenndi Símamótið í Kópavogi

Jonas Gemmer nýr liðsmaður ÍA

Víkingar vann sinn leik en Kári tapaði

Samþykkti uppsetningu búnaðar til veðurmælinga vegna vindorkuvera

Vestfjarðavegi við Haukadalsá í Dölum lokað í sólarhring

core/paragraph

Ef hægt er að tala um erkifjendur í keppni íþróttaliða þá kemst samband ÍA og KR í knattspyrnu karla næst því. Áratugum saman börðust þessi lið um alla titla sem hægt var að vinna í íslenskri knattspyrnu og leikir liðanna hafa ávallt dregið að sér mikinn fjölda áhorfenda. Í kvöld mætast liðin á Elkem-vellinum á Akranesi í leik í 15. umferð Bestu-deildarinnar og hefst hann kl. 19:15.

Lið ÍA á harma að hefna því í apríl töpuðu þeir illa gegn KR-ingum á AVIS-vellinum í Laugardal með fimm mörkum KR gegn engu marki ÍA. Raunar hefur gengi beggja liðanna valdið miklum vonbrigðum það sem af er móts. Forn frægð skilar engu enda eru bæði liðin í hópi neðstu liða Bestu-deildarinnar. KR er í níunda sæti með 16 stig en lið ÍA er sem fyrr í neðsta sæti deildarinnar með 12 stig eftir 14 leiki.

Það er þvi til mikls að vinna fyrir bæði lið og ekki að efa að stuðningsmenn beggja liða munu fjölmenna. Veðrið eins og best verður á kosið og KR-ingar og áhangendur þeirra geta rifjað upp fornfræga tíma því þeir þurfa að keyra um Hvalfjörðinn að leik loknum.

Erkifjendurnir mætast á Akranesi í kvöld