Afmælis handritanna heim verður minnst í vor
Ríkisstjórnin ákvað á fundi sínum fyrr í vikunni að styrkja Stofnun Árna Magnússonar í íslenskum fræðum um átta milljónir króna vegna heimkomuafmælis handritanna. 50 ár eru senn liðin frá því fyrstu handritunum var skilað til Íslands frá Danmörku en 21. apríl 1971 lagði herskipið Vædderen að bryggju í Reykjavík með Konungsbók Eddukvæða og Flateyjarbók í farteskinu. Mikill mannfjöldi beið á bryggjunni og myndast þjóðhátíðarstemning í landinu við þessi tímamót.
