medium

large

thumbnail

1536x1536

2048x2048

small

custom-size

Ólafsvíkurvaka heppnaðist með ágætum – myndasyrpa

Lokadagur Fjórðungsmóts Vesturlands runninn upp

Mótorhjólaslys í Staðarsveit

Hola!

Þúsund tonnum bætt við strandveiðikvótann

Stefna að gjaldfrjálsri nýrri líkbrennslu

core/paragraph

Á fundi bæjarráðs Grundarfjarðar síðastliðinn fimmtudag var fjallað um vegamál, ástand þjóðvegar 54, Snæfellsnesvegar. Bent er á að ástand vegarins hafi aldrei verið verra. Á það ekki síst við í næsta nágrenni Grundarfjarðar, á Snæfellsnesi og langleiðina suður í Borgarnes.

„Bæjarstjórn hefur margsinnis gert athugasemdir við hættulegt ástand þjóðvegarins. Fyrr á þessu ári sendu sveitarstjórnir á Vesturlandi ákall til forsætisráðherra og innviðaráðherra um að brýn þörf væri til að bregðast strax við bágbornu ástandi tiltekinna vegarkafla, með neyðarfjárveitingu í allra brýnustu viðgerðirnar, til að tryggja íbúum, atvinnulífi og ferðafólki lágmarks öryggi á vegunum. Bæjarstjórn þakkar ráðherrunum fyrir að hafa brugðist hratt við ákalli sveitarstjórnarfólks á Vesturlandi og boðið til fundar 10. mars sl. þar sem tækifæri gafst til þess að ræða þessi mál.“

Þá segir í ályktun bæjarráðs að nú þegar árið er hálfnað, þá hafa boðaðar aukafjárveitingar til samgöngumála ekki skilað sér til Vegagerðarinnar í formi samþykktra fjárheimilda til svæðisbundinna stofnana Vegagerðarinnar, en krafa er um skýra fjárheimild þegar farið er af stað í undirbúning og framkvæmdir samgöngumannvirkja. Bæjarstjórn Grundarfjarðarbæjar lýsir vonbrigðum sínum með það. Þá vísar ráðið í fjölmargar bókanir bæjarstjórnar um ástand þjóðvegar 54, Snæfellsnesvegar. „Bæjarráð lýsir enn og aftur yfir þungum áhyggjum af síversnandi og hættulegu ástandi þjóðvega á Snæfellsnesi og að Borgarnesi, ástandi sem er að stórum hluta til komið vegna skorts á viðhlítandi viðhaldi.“

„Hættan sem leiðir af ástandi veganna er algjörlega óviðunandi fyrir notendurna. Á það jafnt við um íbúa, gesti, atvinnubílstjóra og neyðarflutninga. Jarðsig og frostskemmdir hafa gert veginn ósléttan yfirferðar, slitlag er gróft og bútakennt eftir áralangar holufyllingar, vegkantar eru víða brotnir og hafa gefið eftir á löngum köflum og víða eru vegir of mjóir. Á sumum stöðum er vatnsagi á vegi mikið vandamál. Verulega aukin umferð, þar á meðal stórauknir þungaflutningar á síðustu árum, sumar sem vetur, kallar á aukin framlög til vegagerðar, ekki síst til almenns viðhalds. Þó nýjar vegaframkvæmdir séu af hinu góða, þá má ekki gleymast að sinna viðhaldi eldri vega. Í þeim liggja mikil verðmæti sem fara forgörðum, sé viðhaldi þeirra ekki sinnt.“

Fréttaveita Vesturlands

Ástand Snæfellsnesvegar hefur aldrei verið verra