Anna Þórhildur og Bjarki Þór Grönfeldt Gunnarsbörn eru frá bænum Brekku í Norðurárdal. Systkinin gengu í Varmalandsskóla og Menntaskóla Borgarfjarðar en héldu svo í háskólanám til Reykjavíkur og síðar erlendis. Anna og Bjarki eru náin og segjast vera góðir vinir, þau stríði þó hvort öðru sé góð innistæða fyrir og gera óspart grín að foreldrum…Lesa meira

Það er óhætt að segja að börn og ungmenni í Grundaskóla á Akranesi hafi tileinkað sér vistvænar samgöngur. Að sögn Sigurðar Arnars Sigurðssonar skólastjóra, sem sendi Skessuhorni þessar myndir, hjóla eða ganga flestir nemendur og starfsmenn til og frá skóla. Miðað við myndirnar er það líklegast rétt og hreint aldeilis til fyrirmyndar.Lesa meira

Í gamla samkomuhúsinu við Þverárrétt í Þverárhlíð hefur verið haldið töðugjaldaball í áratugi, uppskeruhátíð eftir heyskapinn og haustið handan við hornið. Ball þetta er alltaf síðasta föstudag í ágúst, sem einmitt er í dag. Nú er engin undantekning á hefðinni og heldur ekkert kóvid vesen í gangi. Sem fyrr eru það kvenfélagskonurnar í sveitinni sem…Lesa meira

Flutningaskipið Wilson Cadiz var í gærkvöldi að ljúka við að lesta mjöl í Akraneshöfn. Hafnsögubáturinn Haki beið þess að lóðsa skipið út úr höfninni.Lesa meira

Lilja Dögg Alfreðsdóttir menningar- og viðskiptaráðherra hefur skipað Hörpu Þórsdóttur til að gegna embætti þjóðminjavarðar. Harpa hefur starfað við íslensk og erlend söfn í rúm 20 ár og sem safnstjóri Listasafns Íslands stjórnað einu af þremur höfuðsöfnum íslenska ríkisins. Þar hefur hún á undanförnum árum leitt starfsemina inn í nýja tíma með áherslu á að…Lesa meira

Fjöldi athugasemda hafa borist við fyrirætlanir fyrirtækisins Zephyr Iceland um byggingu vindorkuvers á Brekkukambi í Hvalfirði. Í gær fékk sveitarstjórn Hvalfjarðarsveitar afhent mótmæli sem 1709 manns hafa undirritað. Eru það íbúar, sumarhúsaeigendur og aðrir velunnarar sveitarinnar. Fram kom við afhendingu mótmælanna að vilji stendur til þess að vita persónulega afstöðu einstakra sveitarstjórnarmanna til málsins. Einnig…Lesa meira

Slökkviliðsstjórar og aðrir stjórnendur slökkviliða hér á landi hafa samþykkt sinn fyrsta kjarasamning við Samband íslenskra sveitarfélaga. Þeir sem fengu að kjósa um samninginn voru félagsmenn LSS sem sinna stöðugildum stjórnenda slökkviliða og greiða iðgjald sem nemur 20% starfshlutfalli eða meira. Tæp 94% þeirra sem kusu samþykktu samninginn en kosningaþátttaka var 71,7%. Þetta er fyrsti…Lesa meira

Breska ríkisútvarpið BBC tók fyrr í þessum mánuði saman lista yfir bestu almenningssundlaugar eða baðstaði í heiminum. Á listanum eru nokkrir íslenskir baðstaðir; Bláa lónið, Sundhöll Reykjavíkur og laugin Guðlaug sem staðsett er á Langasandi á Akranesi. Guðlaug samanstendur af útsýnispalli, heitri laug og grynnri laug sem ekki er eins heit. Guðlaug var opnuð í…Lesa meira

Það var kraftur í skipverjunum á dragnótarbátnum Rifsara SH þegar þeir voru að setja ný tóg um borð og eftirvæntingin leyndi sér ekki að hefja veiðar á komandi kvótaári. En skipsverjar bíða nú til 1. september með að hefja veiðarnar. Þeir segja að það sé fiskur út um allan sjó þrátt fyrir kvótaskerðingu sem þeir…Lesa meira

Könnun hjónavígsluskilyrða mun einungis fara fram hjá sýslumanni, frá og með 1 september næstkomandi. Könnun hjónavígsluskilyrða, áður en hjónavígsla fer fram, verður nú ekki lengur á hendi presta eða forstöðumanna trú- og lífskoðunarfélaga og umboðsmanna þeirra og gildir einu hvort hjónaefni eiga lögheimili hér á landi eða ekki. Vígsluheimildir presta og forstöðumanna trú- og lífsskoðunarfélaga…Lesa meira