{
  "name": "core/freeform",
  "attributes": [],
  "saveContent": "Í gamla samkomuhúsinu við Þverárrétt í Þverárhlíð hefur verið haldið töðugjaldaball í áratugi, uppskeruhátíð eftir heyskapinn og haustið handan við hornið. Ball þetta er alltaf síðasta föstudag í ágúst, sem einmitt er í dag. Nú er engin undantekning á hefðinni og heldur ekkert kóvid vesen í gangi. Sem fyrr eru það kvenfélagskonurnar í sveitinni sem standa fyrir dansleiknum sem sinni helstu fjáröflunarleið. Miðaverð er einungis 2.500 krónur og enginn posi á staðnum, einungis beinharðir peningar teknir gildir.  Geirmundur Valtýsson, skagfirski sveiflukóngurinn, mun mæta með hljómsveit sína í kvöld til að spila fyrir dansi. Á töðugjaldaballi er alltaf fullt út úr dyrum, mikið spjallað, dreypt á veigum og dansað eins og pláss og olnbogarými leyfir. Nú í dag eru menn byrjaðir að hita upp, en sveitungar í Stafholtstungum eru lagðir af stað í sinn árlega reiðtúr um sveitina, riðnar eru stuttar vegalengdir, slugsað og komið við á mörgum bæjum.",
  "innerBlocks": []
}