Afskipti voru höfð af rúmlega 50 ökumönnum í liðinni viku vegna gruns um of hraðan akstur í umdæmi Lögreglunnar á Vesturlandi. Fimm ökumenn eru grunaðir um akstur undir áhrifum áfengis eða fíkniefna. Fimm umferðaróhöpp komu inn á borð lögreglu, öll minni háttar en eymsli eða minni háttar slys á fólki í einhverjum þeirra.Lesa meira

Vegagerðin hefur hafnað tilboði Sæferða í fólks- og vöruflutninga yfir Breiðafjörð frá Stykkishólmi til Brjánslækjar með viðkomu í Flatey. Þetta upplýsir G. Pétur Matthíasson upplýsingafulltrúi Vegagerðarinnar í samtali við Morgunblaðið sem kom út í dag. Sæferðir voru eina fyrirtækið sem bauð í siglingar yfir Breiðafjörð á skipinu Röst sem keypt var frá Noregi og er…Lesa meira

Það var nóg af mörkum í leik Uppsveita og Skallagríms þegar liðin áttust við í 4. deild karla í knattspyrnu í gærkvöldi á Probygg vellinum á Flúðum í Hrunamannahreppi. Heimamenn komust yfir á fimmtu mínútu með marki Sigurjóns Reynissonar en Alejandro Serralvo Gomez jafnaði metin fyrir gestina eftir rúman korters leik. Sölvi Snorrason kom síðan…Lesa meira

Þetta unga taílenska par var meðal hundrað annarra gesta Sæferða í Stykkishólmi í eyjasiglingu um Breiðafjörð með Særúnu á laugardaginn. Þau nutu, að eigin sögn, ferðarinnar í botn og ekki síður landsins sem þau voru að heimsækja í fyrsta skipti. Sérstaklega nefndu þau hreina og ferska loftið sem lífsgæði sem þau hefðu ekki kynnst áður.…Lesa meira

Mjaðjurtin er í fullum blóma þessa dagana og gleður augað víða um Vesturland. Þetta er blómplanta af rósaætt sem ber hvít blóm og er gjarnan notuð í ilmefni og sem bragðefni í mjöð sem væntanlega útskýrir nafnið. Mjaðjurt eða Mjaðarjurt hefur verið notuð sem lækningajurt við græðingu sára og sem verkjalyf og var verkjastillandi efni…Lesa meira

Það sem af er sumri hafa miklar öfgar einkennt veðurfar í landshlutanum. Maí var sá úrkomumesti síðan 1969 og júní sá fimmti úrkomusamasti og sjötti sólskinsminnsti frá upphafi mælinga á suðvesturhorninu. En svo kom júlí og þá breyttist allt. Nú liggur fyrir að júlímánuður hafi verið sá úrkomuminnsti í mörg ár og jafnframt sá sólarmesti…Lesa meira

Matvælastofnun varar við neyslu á einni framleiðslulotu af kjúklingabringum frá Esju Gæðafæði vegna gruns um salmonellu. Fyrirtækið hefur innkallað vöruna og sent út fréttatilkynningu. Innköllunin á eingöngu við framleiðslulotu 23205 og er vörumerkið Kjötsel, vöruheiti: Kjúklingabringur grilltvenna úrb marineruð. Sala fór fram í verslunum Nettó.Lesa meira

Hreðavatnsskáli í Norðurárdal er þekktur staður á landsvísu. Þar var löngum viðkomustaður ferðamanna og rómuð böll á árum áður, sem og önnur mannamót. Lítil starfsemi hafði verið í skálanum um nokkurra ára skeið þegar ungt par sem starfar í sveitinni keypti skálann fyrir tveimur árum. Það voru Adam Logi Halldórsson og Hera Jóhannsdóttir sem tengjast…Lesa meira

Meistaramót Íslands í frjálsum íþróttum fór fram um síðustu helgi á ÍR vellinum í Skógarseli í Breiðholti. Meistaramótið sem var það 97. í röðinni er hápunktur sumarsins og var allt besta frjálsíþróttafólk landsins skráð til leiks. Guðrún Karitas Hallgrímsdóttir sleggjukastari frá Vatnshömrum í Andakíl sem keppir fyrir ÍR setti meistaramótsmet þegar hún stórbætti metið í…Lesa meira

Gunnari J Straumland kennara og myndlistarmanni er sitthvað til lista lagt. Nú í vikunni kom út ljóðabók hans Kurteisissonnettan og önnur kvæði. Þetta er önnur ljóðabókin sem eftir hann kemur og er það Sæmundur sem gefur út. Fyrri bókin nefndist Höfuðstafur, háttbundin kvæði og kom út í lok árs 2019. Nýja bókin er á kiljuformi,…Lesa meira