Alls lögðu 320 Dalamenn nafn sitt við undirskriftalista þar sem breytingum á matvöruversluninni í Búðardal úr Kjörbúð í Krambúð er mótmælt. Sömuleiðis var mótmælt þeirri verðhækkun sem breytingunum hafa fylgt og þess krafist að Kjörbúð verði opnuð í sveitarfélaginu á ný. Undirskriftalistanum ásamt áskoruninni var komið til Samkaupa í gær, mánudaginn 24. ágúst. Sem fyrr…Lesa meira

Eins og fram kom í fréttum í liðinni viku, lenti mestöll ríkisstjórn Íslands í tvöfaldri skimun vegna þess að hætta var talin á að þeir hefðu verið útsettir fyrir kórónaveirusmit í kjölfar þess að stjórnin snæddi saman kvöldverð á Hótel Rangá á Suðurlandi síðastliðið þriðjudagskvöld. Niðurstöður úr síðari skimun ráðherra í gær reyndust hinsvegar neikvæðar…Lesa meira

Heilbrigðisráðherra hefur skrifað undir reglugerð um heimild hjúkrunarfræðinga og ljósmæðra til að ávísa hormónatengdum getnaðarvörnum. „Markmiðið er að auka aðgengi að getnaðarvörnum og stuðla með því að auknu kynheilbrigði fólks. Í reglugerðinni er einnig kveðið á um skilyrði fyrir heimild til að ávísa þessum lyfjum og um námskröfur,“ segir í tilkynningu frá stjórnarráðinu. Sækja þarf…Lesa meira

Knattspyrnumaðurinn Bjarki Steinn Bjarkason hefur verið seldur til ítalska liðsins Venezia í Feneyjum. Hann samdi við ítalska liðið til þriggja ára. Fótbolti.net greinir frá. Bjarki er tvítugur kantmaður, uppalinn hjá Aftureldingu en gekk í raðir ÍA árið 2018 og hefur leikið með liði Skagamanna í Pepsi Max deildinni undanfarin þrjú ár. Hann hefur skorað fjögur…Lesa meira

Vel á annað hundrað umsóknir bárust á garðyrkjubrautir Landbúnaðarháskóla Íslands í haust. Er það ríflega tvöföldun frá fyrri árum, að því er fram kemur á vef skólans. Garðyrkjubrautir skólans eru sex talsins; ylrækt, garð- og skógarplöntur, lífræn ræktun matjurta, skrúðgarðyrkja, blómaskreytingar og loks skógur og náttúra. Lífræn ræktun matjurta er fjölmennasta brautin í ár, með…Lesa meira

Káramenn máttu játa sig sigraða gegn Selfyssingum, 1-0, þegar liðin mættust í 2. deild karla í knattspyrnu. Leikið var í blíðskaparveðri á Selfossi í gær. Heimamenn voru sterkari í leiknum og fengu sinn skerf af marktækifærum. Litlu munaði að þeir kæmust yfir strax á 5. mínútu en Káramenn björguðu á línu. Skagaliðið átti síðan góða…Lesa meira

Snæfellingar fengu hvorki rönd við reist þegar þeir mættu Kormáki/Hvöt í 4. deild karla í knattspyrnu á laugardaginn. Leikið var á Blönduósi og heimamenn skoruðu hvorki fleiri né færri en 13 mörk gegn aðeins einu marki Hólmara. Viktor Ingi Jónsson skoraði fjögur mörk fyrir heimamenn og þeir Ingvi Rafn Ingvason og Ágúst Friðjónsson skoruðu báðir…Lesa meira

Víkingur Ó. gerði jafntefli við Vestra, 3-3, þegar liðin mættust í 1. deild karla í knattspyrnu. Leikið var á Ísafirði í gær. Heimamenn voru öflugri í blábyrjun leiksins, án þess þó að skapa sér nein dauðafæri. Eftir um tíu mínútna leik áttu Ólafsvíkingar hættulega sókn og skalla rétt framhjá. Upp úr því voru þeir sterkari…Lesa meira

Skagakonur gerðu 2-2 jafntefli við Gróttu, þegar liðin mættust í 1. deild kvenna í knattspyrnu á laugardag. Leikið var á Seltjarnarnesi og það voru heimakonur sem höfðu undirtökin framan af leik. Tinna Bjarkar Jónsdóttir kom Gróttu yfir strax á 13. mínútu leiksins. Fleiri mörk voru ekki skoruð í fyrri hálfleik og heimakonur því einu marki…Lesa meira

ÍA og KA skildu jöfn, 2-2, þegar liðin mættust í Pepsi Max deild karla í knattspyrnu á laugardaginn. Leikið var á Akureyri. Skagamenn voru heldur sterkari framan af leiknum, en tókst ekki að skapa sér nein opin marktækifæri. Eftir því sem leið á fyrri hálfleikinn sóttu KA-menn í sig veðrið og tóku að lokum stjórnina…Lesa meira