Norðurálsmótið hafið
Hið árlega Norðurálsmót í knattspyrnu fyrir 7. flokk drengja hófst á Akranesi núna rétt fyrir hádegi. Venju samkvæmt safnaðist hópurinn saman á Stillholti og gekk skrúðgöngu í Akraneshöllina, þar sem mótið var formlega sett.
Fyrstu leikirnir hefjast núna í hádeginu og mótið stendur fram á sunnudag. Um 1500 knattspyrnumenn framtíðarinnar frá 36 knattspyrnufélögum taka þátt í mótinu. Hverjum keppanda fylgja foreldrar og forráðamenn og má búast við því að íbúafjöldinn á Akranesi um það bil tvöfaldist á meðan mótinu stendur.
-
- Kátir knattspyrnupiltar úr Þrótti á setningarathöfninni í Akraneshöll.
-
- Um 1500 ungir knattspyrnumenn taka þátt í mótinu.
