Fyrsta barn ársins á Vesturlandi er drengur sem kom í heiminn á fæðingadeild HVE á Akranesi klukkan 13:32 í gær, nýársdag. Drengurinn vó 3.810 grömm og er 52 sentímetrar að lengd. Foreldrar hans eru þau Sólveig Ólafsdóttir frá Reykjavík og Darri Atlason frá Ólafsvík en þau eru búin að búa í Borgarnesi síðastliðin fimm ár.…Lesa meira

Torg útgáfufélag hefur hætt að dreifa Fréttablaðinu frítt í hús á höfuðborgarsvæðinu og á Akureyri. Það mun þó áfram verða prentað og gert aðgengilegt á fjölförnum stöðum á höfuðborgarsvæðinu, Suðurnesjum, Árborgarsvæðinu, Akranesi, Borgarnesi og Akureyri. Þá verður það sömuleiðis gert aðgengilegt á rafrænu formi eins og verið hefur. Útgefendur segjast í tilkynningu ekki telja að…Lesa meira

Magnea Guðlaugsdóttir þjálfari kvennaliðs ÍA í knattspyrnu verður áfram þjálfari liðsins. Þetta kom fram á fundi með henni og leikmönnum liðsins í morgun en í byrjun desember hafði Magnea tilkynnt leikmönnum sínum að hún yrði ekki við stjórnvölinn á næsta tímabili. Magnea segir í stuttu spjalli við Skessuhorn að hún væri hætt við að hætta.…Lesa meira

Ný rannsókn á vegum NiceRx, amerískrar heilbrigðisvísindastofnunar, leiðir í ljós að Ísland situr nú í áttunda sæti á lista þjóða yfir langlífi. Meðallífslengd á Íslandi í dag er tæplega 84 ár. Meðalaldur kvenna er um 86 ár og meðalaldur karla 82 ár. Hong Kong situr í efsta sæti listans með meðalaldurinn rúm 85 ár, annað…Lesa meira

Ólafur Darri Ólafsson hefur tekið við af Agli Ólafssyni sem rödd Toyota. Athygli vakti auglýsing Toyota á gamlárskvöld þar sem þeir félagar birtust saman á skjánum. Ekkert var sagt alla þá stund á meðan auglýsingin varði, en skilaboðin voru skýr þar sem Egill afhendir Ólafi Darra hljóðnemann. Egill hefur verið rödd Toyota í 30 ár…Lesa meira

Séra Agnes M Sigurðardóttir biskup Íslands tilkynnti það í nýársprédikun sinni í Dómkirkjunni að hún muni láta af embætti eftir 18 mánuði en á næsta ári verður hún 70 ára. Morgunblaðið greindi frá. Agnes mun ljúka vísitasíu sinni um landið í Bolungarvík á sjómannadaginn á næsta ári, en þar var hún sóknarprestur um árabil en…Lesa meira

Umræða hefur frá því að morgni nýársdags skapast um þá staðreynd að lægð sem ganga átti inn á suðvestanvert landið á gamlársdag reyndist hafa farið sunnar en veðurfræðingar spáðu. Því varð ekki slæmt veður í landshlutanum á gamlársdag, raunar frekar stillt vetrarveður, en þó lítilsháttar él með köflum. Gul og appelsínugul viðvörun reyndist því með…Lesa meira

Í aðsendri grein sem Bjarnheiður Hallsdóttir formaður Samtaka ferðaþjónustannar ritar nú við áramót bendir hún á að uppgangur ferðaþjónustunnar er undirrót hagvaxtar síðasta áratugar og hefur bætt lífskjör á Íslandi svo um munaði. „Til að tryggja að svo verði áfram þarf hún og mikilvægi hennar einfaldlega meira pláss í hugum og í vitund Íslendinga,“ segir…Lesa meira

Guðni Th. Jóhannesson forseti Íslands sæmdi í dag 14 Íslendinga heiðursmerki hinnar íslensku fálkaorðu við hátíðlega athöfn á Bessastöðum. Í þeim hópi eru m.a. tveir Borgnesingar, þau Anna Sigríður Þorvaldsdóttir tónskáld og Héðinn Unnsteinsson stefnumótunarsérfræðingur. Þessi hlutu viðurkenningu: Anna Hjaltested Pétursdóttir, formaður Mæðrastyrksnefndar, riddarakross fyrir framlag til mannúðar- og samfélagsmála. Anna Sigríður Þorvaldsdóttir tónskáld, riddarakross…Lesa meira

Að venju var hlaðinn heljarstór bálköstur á Breiðinni milli Ólafsvíkur og Rifs á gamlársdag. Verkið var undir styrkri stjórn brennustjórans til margra áratuga; Hjálmars Kristjánssonar. Ágætis veður var á meðan á brennunni stóð. Fjölmenni mætti og naut skemmtunar og flugeldasýningu björgunarsveitarinnar Lífsbjargar sem var hin glæsilegasta.Lesa meira