Á vef Akraneskaupstaðar er sagt frá því að föstudaginn 7. maí síðastliðinn hafi verið skrifað undir verksamning vegna uppsteypu og utanhússfrágangs á nýju leikskólahúsnæði við Asparskóga 25. Sjammi ehf er verktaki og mun Verkís hafa umsjón með verkinu fyrir hönd Fasteignafélags Akraneskaupstaðar. Verkefnið snýst um byggingu á um 1500 fermetra leikskóla úr forsteyptum einingum. Hluti…Lesa meira

Ársreikningur Snæfellsbæjar var samþykktur á fundi bæjarstjórnar í gær. Starfsemi bæjarins er skipt upp í tvo hluta, A-hluta annars vegar og B-hluta hins vegar. Til A-hluta telst starfsemi sem að hluta eða öllu leyti er fjármögnuð með skatttekjum en í B-hluta eru fyrirtæki sem eru í eigu sveitarfélagsins og eru rekin sem fjárhagslega sjálfstæðar einingar.…Lesa meira

Á vef Akraneskaupstaðar segir frá því að skemmdarverk hafi verið unnin á Akranesvita í tvígang undanfarið, fyrst í mars og nýlega aftur í maí. Búið er að tilkynna verknaðinn til lögreglu og Vegagerðarinnar en vitar landsins eru eign Vegagerðarinnar. Fólk er beðið að hafa augun opin og tilkynna til Akraneskaupstaðar og lögreglunnar ef það verður…Lesa meira

Lögreglan á Vesturlandi tók á móti Haraldi Jónssyni skipstjóra á Inga Rúnari AK-35 þegar hann kom úr síðasta gráslepputúrnum í gær. Ástæðan var sögð sú að Haraldur hefði verið að veiðum í friðlandi við Kjalarnes og Landhelgisgæslan hefði eitthvað við það að athuga. Blaðamaður Skessuhorns náði tali af Haraldi þar sem hann var að ganga…Lesa meira

Knattspyrnulið ÍA, sem leikur í Lengjudeild kvenna, hefur fengið liðsstyrk fyrir baráttuna í sumar. Bandaríski framherjinn McKenna Akimi Davidson er gengin til liðs við félagið en hún lék síðast í Litháen þar sem hún spilaði með FC Gintra. Þá hefur Hulda Margrét Brynjarsdóttir ákveðið að taka fram takkaskóna á ný eftir að hafa verið fjarri…Lesa meira

Í góða veðrinu í dag er verið að malbika vegstubb á Breiðinni á Akranesi en lengi og mikið hefur verið kvartað yfir þeim holótta malarvegi sem þar var. Einnig verða bílastæðin við Akranesvitana malbikuð. Breiðin og vitarnir þar hafa sem kunnugt er verið eitt helsta kennileiti og aðdráttarafl bæjarins. Áhugasamir geta því farið að gera…Lesa meira

Í gær fór fram þriðja útiæfingin á þessu ári hjá Pútthópi Borgarbyggðar og var hún á Hamri. Hópurinn hefur aldrei hafið æfingar svo snemma árs utan dyra en æfingaaðstaðan í Brákarey er lokuð eins og mörgum er kunnugt. „Það hefur á ýmsu gengið hjá þessum áhugasama hópi í vetur. Lokanir vegna Covid-19 hafa komið niður…Lesa meira

Björgunarsveitin Ok í Borgarfirði var kölluð út rétt fyrir klukkan átta í gærkvöldi vegna konu sem slasast hafði í fjallgöngu í Kvígindisfelli, norðaustur af Hvalvatni. Konan hrasaði í hlíðum fellsins og slasaðist á fæti. Björgunarsveitarfólk og sjúkraflutningamenn frá Heilbrigðisstofnun Vesturlands fóru á vettvang með fjórhjól og búnað til þess að hlúa að konunni og flytja…Lesa meira

Gunnar Örn Jónsson er nýr lögreglustjóri á Vesturlandi og tók hann við stöðunni fyrir rétt rúmlega hálfum mánuði. Gunnar er fæddur og uppalinn á Selfossi og hafði búið þar alla tíð, að undanskildum námsárunum sem hann var í Reykjavík og síðustu fjórum árum á Sauðárkróki. Gunnar er lögfræðingur að mennt og eftir nám tók hann…Lesa meira

Starfsfólk Akraneskaupstaðar hefur síðastliðin fjögur ár unnið að gerð nýrrar grunnsýningar á Byggðasafninu í Görðum. Hefur það verið eitt helsta verkefni safnsins síðastliðin fjögur ár og er því verki nú lokið. Sýningin verður formlega opnuð á morgun, uppstigningardag, en frítt verður inn á safnið um næstu helgi og eru íbúar hvattir til að nýta sér…Lesa meira