Í lok ágúst var garnaveiki staðfest í geit á bænum Háhóli í Hornafirði. Bærinn er í Suðausturlandshólfi. Á því svæði hefur garnaveiki greinst í sauðfé á fjórum öðrum bæjum síðastliðin tíu ár. Síðast greindist garnaveiki í geit hér á landi árið 2002 í Vesturlandshólfi. Garnaveiki er ólæknandi smitsjúkdómur í jórturdýrum, en með bólusetningu er hægt…Lesa meira

Göngur eru nú víða hafnar í sveitum landsins. Í dag er t.d. réttað í Oddsstaðarétt fé af Lunddælingaafrétti en um og eftir næstu helgi verður víða réttað. Meðfylgjandi mynd var tekin í dag í Vopnalág í Hallmundarhrauni. Þar áðu leitarmenn á leið sinni á Arnarvatnsheiði, en þeir sem ríða lengst leita Fljótsdrögin. Um Vopnalág segir…Lesa meira

Hjónin Agnar Gestsson og Jóhanna Bára Ásgeirsdóttir reka ferðaþjónustu og hestaleigu á Lýsuhóli í Staðarsveit. Hafa þau marga fjöruna sopið í þeim efnum. Mikið hefur verið að gera síðustu misserin enda fjöldi ferðamanna margfaldast síðustu árin. „Við erum með gistirými fyrir tæplega 40 manns og svo rúmlega 70 hross í hestaleigu,“ segir Agnar í stuttu…Lesa meira

Í desember á liðnu ári sóttu rúmlega 19 þúsund börn leikskóla á Íslandi. Hlutfall barna sem sækir leikskóla er óbreytt frá fyrra ári eða 87%, þegar litið er til 1-5 ára barna. Alls sækja 97% 3-5 ára barna leikskóla, 95% tveggja ára barna og 47% eins árs barna. Miklu munar á hlutfalli eins árs barna…Lesa meira

Systurnar Ásrún og Sigríður Magnúsdætur hafa sameinað hæfileika sína og krafta og eru nú að gefa út sína fyrstu barnabók, Korkusögur, sem væntanleg er í verslanir nú í byrjun september. “Við systurnar höfum alltaf verið samrýmdar og höfum mjög gaman af því að vinna verkefni saman. Sigga er mjög fær listakona en ég er meira…Lesa meira

Strandveiðitímabilinu lauk formlega um mánaðamótin, en síðasti dagur til veiða var á fimmtudaginn. Tíðarfar var erfitt á löngum köflum á liðnu tímabili og töluvert færri bátum var róið til veiða en á síðasta ári. Engu að síður var heildaraflinn tæp tíu þúsund tonn sem er örlítið minna en á síðasta ári. Aflahæsti strandveiðibátur landsins á…Lesa meira

Magnús Ingi Bæringsson, nýráðinn tómstunda- og æskulýðsfulltrúi Stykkishólmsbæjar, hóf störf síðastliðinn mánudag. Magnús tók við stöðunni af Gissuri Ara Kristinssyni, sem hafði leyst Agnesi Helgu Sigurðardóttur af á meðan hún var í fæðingarorlofi. Gissur hefur fært sig um set og Agnes hafið störf við Fjölbrautaskóla Snæfellinga. „Við bjóðum Magnús velkominn til starfa og óskum jafnframt…Lesa meira

Vegna framkvæmda hefur verið lokað fyrir umferð um hluta Ketilsflatar á Akranesi. Um er að ræða gatnagerð við Ketilsflöt frá gatnamótum upp að Garðalundi. Í verkinu felast fjórar gönguþveranir; tvær við Ketilsflöt og tvær við Kalmansbraut. Lokað var fyrir umferð í dag, þriðjudaginn 4. september, og gildir lokunin í allt að eina viku, eða fram…Lesa meira

Fyrir hádegi í dag var hringt nokkrum sinnum í fyrirtæki eitt í Búðardal. Í símanum var enskumælandi kona, kurteis í byrjun, en gerðist síðan ákveðin og nokkuð ágeng eftir því sem leið á símtölin sem urðu sex talsins áður en yfir lauk. Óskaði konan eftir að ræða við yfirmann. Svo virtist sem viðkomandi væri að…Lesa meira

Vigdís Bjarnadóttir, sem ættuð er frá Ólafsvík, heldur málverkasýninguna Þar sem jökulinn ber við loft, í Átthagastofunni í Ólafsvík. Var sýningin opnuð síðastliðinn laugardag og verður opin út septembermánuð. Þar sýnir hún 20 olíumálverk. Þetta er í fjórða skiptið sem Vigdís sýnir verk sín á heimaslóðum í Ólafsvík. „Þema sýningarinnar er Snæfellsjökull, eða Jökullinn eins…Lesa meira