
Snæfell missti sigurinn úr höndum sér gegn Þórsurum
Snæfell mátti sætta sig við níu stiga tap gegn Þór frá Þorlákshöfn, 93:102, í hörkuleik í körfunni í Stykkishólmi á föstudaginn. Heimamenn áttu góða spretti og höfðu þriggja stiga forystu eftir fyrsta leikhluta. Þeir náðu einnig að snúa leiknum sér í vil í þriðja leikhluta en Þórsarar reyndust sterkari á lokakaflanum og tryggðu sér sigurinn með öflugum fjórða leikhluta.