Átta verkefni íþróttafélaga á Vesturlandi fengu í síðustu viku úthlutað tæpum þremur milljónum króna úr Hvatasjóði íþróttahreyfingarinnar. Félög á Akranesi fengu tæpar tvær milljónir króna af þeirri upphæð. Hæsta styrkinn á Vesturlandi, 700 þúsund krónur, hlaut Fimleikafélag ÍA fyrir verkefni sem snýr að fimleikum fyrir börn með fatlanir og er unnið í samstarfi við ÍA. Íþróttabandalag Akraness hlaut tvo styrki upp á 500 þúsund krónur hvorn, fyrir verkefnin Brú til þátttöku og Nýtt upphaf með ÍA.