Snæfell tapaði fyrir Haukum, 119:91, í Bæjarins Beztu deild karla í körfuknattleik á Ásvöllum í Hafnarfirði í gærkvöldi. Heimamenn höfðu yfirhöndina frá upphafi og reyndust Snæfellingum erfiðir viðureignar, ekki síst vegna góðrar hittni fyrir utan þriggja stiga línuna. Haukar byrjuðu leikinn af krafti og leiddu 28:17 eftir fyrsta leikhluta. Þeir bættu við forskotið í öðrum leikhluta, sem fór 34:28, og höfðu því 62:45 forystu í hálfleik. Snæfellingar náðu ekki að minnka muninn að ráði eftir hlé. Haukar unnu þriðja leikhluta 29:25 og þann síðasta 28:21 og fögnuðu að lokum öruggum 28 stiga sigri.