Dregið var í 32-liða úrslit VÍS bikarkeppni karla og kvenna í körfuknattleik í Laugardalnum í dag. Vesturlandsliðin ÍA og Skallagrímur fengu bæði heimaleiki, en Snæfell situr hjá í þessari umferð því liðið er þegar komið í 16-liða úrslit. Skagamenn taka á móti Álftanesi á Akranesi en Skallagrímur fær KR í heimsókn í Borgarnes. Leikir 32-liða úrslitanna verða háðir dagana 18. og 19. október. Líkt og fyrr segir þarf Snæfell hins vegar ekki að hafa fyrir sæti sínu í næstu umferð að þessu sinni, en liðið situr hjá ásamt Ármanni og Keflavík.