Dagana 15.-18. júlí fór fram fyrsta landsmót í hestafimleikum hér á landi. Var það haldið í Þytsheimum á Hvammstanga. Sex hópar; frá Hvammstanga, Borgarfirði, Snæfellsnesi og Suðurlandi tóku þátt og sýndu sínar kúnstir. Þó sumir hópar væru frekar nýlega stofnaðir, og æfingastigið því mjög mismunandi, stóðu öll börnin sig einstaklega vel og fengu verðskuldaða viðurkenningu.