medium

large

thumbnail

1536x1536

2048x2048

small

custom-size

Sjóarinn sem snéri aftur

Líflegt á Arnarstapa þegar landað var úr 52 bátum – myndasyrpa

Rífandi uppbygging en efla þarf skipakost

Ekki sjálfgefið að menn gefi svona af sér

Slökkviliðið eignast utanvegatæki

Stór hópur útskrifaðist í dag frá Fjölbrautaskóla Vesturlands

core/heading

<h2>Rætt við Carlos Saavedra og Declan Redmond, spilandi þjálfara meistaraflokks karla hjá Skallagrími</h2>

core/paragraph

Skallagrímur í Borgarnesi spilar í 5. deild karla í knattspyrnu í sumar en liðið féll úr deildinni fyrir ofan í fyrra. Á síðasta tímabili tóku þeir Carlos Saavedra og Declan Redmond við liðinu sem spilandi leikmenn liðsins og eru þeir nú á sínu fyrsta tímabili sem þjálfarar meistaraflokks karla.

Getum ekki beðið eftir að byrja

Fyrsti leikur liðsins er gegn Álafossi í Mosfellsbæ, mánudaginn 19. maí, en hvernig hefur undirbúningstímabilið gengið? „Við byrjuðum undirbúningstímabilið okkar í desember, við vildum byrja á því eins fljótt og hægt var vegna þess hvernig hlutirnir fóru á síðasta tímabili. Hugmyndin um að byrja undirbúningstímabilið fyrr myndi ýta okkur og leikmönnunum meira til að einbeita sér að þessu tímabili frekar en að dvelja við síðasta tímabil,“ nefnir Declan, en hvernig er stærðin á hópnum núna miðað við í byrjun undirbúningstímabils? „Upphaf undirbúningstímabils hefur tilhneigingu til að vera alltaf það sama á hverju ári, það er erfitt að hvetja marga leikmenn til að byrja og fá stóran hóp í desember, janúar og febrúar. Margir leikmenn eru kannski uppteknir af vinnu, reyna við mismunandi lið eða eiga jafnvel bara erfitt með að fá hvatningu til að byrja. Eins og er erum við með um 25-30 leikmenn í hópnum sem er stór hópur. Við erum með fullt af áhugasömum leikmönnum og getum ekki beðið eftir að byrja tímabilið,“ segir Declan.

Ungir leikmenn öðlist reynslu

Mikið er af nýjum leikmönnum í liði Skallagríms í sumar en Carlos segir að um helmingur leikmannahópsins sé úr Borgarnesi. „Svo erum við með nokkra stráka frá Akranesi og svo erlendu leikmennina sem við höfum fengið inn. Við erum með mjög góðan grunn núna með leikmenn frá Borgarnesi, allt frá ungum til eldri. Það er mjög mikilvægt að við höfum þetta og höldum áfram með þessum hætti. Við erum með fullt af nýjum leikmönnum á þessu tímabili. Við erum með fleiri leikmenn með okkur þetta tímabil frá Borgarnesi sem var planið frá upphafi. Við viljum að þetta haldi áfram þar sem það verður mjög mikilvægt fyrir framtíð félagsins, sérstaklega fyrir unga leikmenn að öðlast reynslu og vaxa síðan inn í liðið til framtíðar,“ nefnir Carlos.

Deildin er mjög ófyrirsjáanleg

Skallagrímur spilar í A-riðli 5. deildar karla ásamt liðunum Álafossi í Mosfellsbæ, Herði á Ísafirði, Létti í Breiðholti, Reyni Hellissandi, Smára í Kópavogi, Uppsveitum á Flúðum og KM frá miðbæ Reykjavíkur. En hvernig líst ykkur á deildina? „Þessi deild getur verið mjög ófyrirsjáanleg svo við munum einbeita okkur að því að spila leik fyrir leik. Við erum mjög ánægðir með leikmannahópinn sem við erum með og teljum okkur geta náð því sem við viljum í lok tímabilsins. Mikilvægasta hugarfarið sem við getum haft er að einbeita okkur að okkur sjálfum og halda áfram að bæta okkur þegar líður á tímabilið,“ segir Declan.

Árásargjarnt og duglegt hugarfar

Fyrsti heimaleikur Skallagríms verður mánudaginn 26. maí gegn Létti en hvers konar fótbolta mun Skallagrímur spila í sumar? „Við erum með mjög árásargjarnt og duglegt hugarfar. Við gefum okkur hundrað prósent á æfingunum og tökum það svo inn í leikina. Við erum fulltrúar félagsins okkar og bæjarins svo við viljum gefa allt sem við eigum,“ segir Declan en Carlos bætir svo við: „Hópurinn sem við erum með á þessu tímabili hefur mikil gæði, sérstaklega í sókninni. Við gerum ráð fyrir að skora fullt af mörkum á þessu tímabili og vera mjög traustir varnarlega. Fyrir okkur viljum við eiga gott sumar. Við viljum að leikmenn njóti sín, við viljum að fullt af fólki úr Borgarnesi komi og horfi á leikina og styðji við bakið á okkur þar sem það er mjög mikilvægt. Svo viljum við auðvitað ná árangri í lok tímabilsins og ná því markmiði að komast upp,“ segja Carlos og Declan að lokum.

Fréttaveita Vesturlands

Markmiðið er að vinna deildina