medium

large

thumbnail

1536x1536

small

custom-size

Fjölmenni á námskeiði í sjókajak – myndasyrpa

2048x2048

„Ég veit ekki betur en við séum Evrópumeistarar í að slást“

Sumar á Skaga – Myndasyrpa

Fræðst um jarðhræringar í Ljósufjallakerfinu

Sköpunarmiðstöðin á Stöðvarfirði hlýtur Eyrarrósina

Gatan Vallholt í Ólafsvík endurnýjuð

core/paragraph

ÍA og Afturelding áttust við í 2. umferð Lengjudeildar kvenna í knattspyrnu í gærkvöldi og var viðureignin í Akraneshöllinni að viðstöddum yfir tvö hundruð áhorfendum. Í fyrstu umferðinni töpuðu bæði lið 3-1 og voru því í leit að sínum fyrstu stigum í deildinni.

Skagakonur mættu grimmar til leiks, leikurinn fór að mestu fram á vallarhelmingi Aftureldingar í fyrri hálfleik og gestirnir komust lítt áleiðis. ÍA náði forystu á 15. mínútu þegar Elizabeth Bueckers átti skot fyrir utan vítateig og knötturinn fór yfir markmanninn og í netið. Staðan 1-0 fyrir ÍA og í framhaldinu fengu þær þó nokkur færi sem þeim tókst ekki að nýta. Mínútu fyrir hálfleik átti Ísabel Jasmín Almarsdóttir sendingu fyrir mark gestanna og þar var framherjinn Erna Björt Elíasdóttir á réttum stað og stangaði boltann í netið. Staðan 2-0 í hálfleik og heimakonur í góðum málum.

Seinni hálfleikur var frekar svipaður þeim fyrri, Skagakonur voru í bílstjórasætinu og mun líklegri að bæta við marki. Afturelding setti smá pressu á ÍA seinni hluta hálfleiksins en vörn ÍA og þá sérstaklega markvörðurinn Klil Keshwar var vel á verði og gaf engin færi á sér. Á síðustu mínútunum fengu Skagakonur svo nokkur færi, fyrst fékk Erla Karitas Jóhannesdóttir tvö færi í sömu sókninni sem henni tókst ekki að nýta og svo Dagbjört Líf Guðmundsdóttir sem fékk boltann í markteignum en skaut yfir markið. Lokatölur 2-0 ÍA í vil og með sigrinum eru þær í 4. 7. sæti ásamt ÍBV, Grindavík/Njarðvík og Haukum. Efstu tvö liðin eru Fylkir og HK sem eru með sex stig og þau tvö neðstu eru Afturelding og Grótta sem eru enn án stiga.

Birgitta Lilja Sigurðardóttir, sem er á 17. ári, kom inn á í hálfleik í stað Madison Brooke sem sneri sig á ökkla. Hin efnilega Birgitta Lilja var skeinuhætt og snögg á hægri kantinum og olli oft usla með hraða sínum og fyrirgjöfum. Heilt yfir stóðu Skagakonur sig mjög vel í leiknum og eru með lið sem ætti að gera tilkall til að vera í efri hluta deildarinnar. Þær eru í líkamlega góðu formi, halda boltanum innan liðsins mjög vel og eru vel skipulagðar. Næsti leikur þeirra gulklæddu er á móti Grindavík/Njarðvík laugardaginn 15. maí á JBÓ vellinum í Njarðvík og hefst klukkan 14.

Fréttaveita Vesturlands

Skagakonur með góðan sigur á Aftureldingu