Opna Íslandsmótið í Garpasundi, þar sem sundfólk 25 ára og eldri tekur þátt, fór fram í Ásvallalaug um liðna helgi. Alls tóku tíu lið þátt, þar af þrjú frá Vesturlandi: Umf. Skallagrímur, Sundfélag Akraness og Umf. Snæfell. Árangur Vestlendinganna var eftirtektarverður og voru þeir fyrirferðamiklir á verðlaunapöllum og á sundlaugarbakkanum að þessu sinni. Vestlendingar náðu 15 Íslandsmeistaratitlum og settu fimm garpamet á mótinu.