medium

large

thumbnail

1536x1536

2048x2048

small

custom-size

Bifröst verði ekki einsleit byggð langtímaflóttafólks

Staða miðlunarlóna með ágætum

Afskiptum lögreglu af ungmennum fjölgar

Ný líkamsræktarstöð WorldFit Ægir opnar í október á Akranesi

Stendur vaktina meðan kerla liggur á

Tilboð í almenningssamgöngur undir kostnaðaráætlun

core/paragraph

ÍA og KA mættust í fimmtu umferð Bestu deildar karla í knattspyrnu í gær og var viðureignin á Elkem vellinum á Akranesi við ágætis aðstæður. Jón Þór Hauksson þjálfari ÍA gerði tvær breytingar á liði sínu frá skellinum gegn KR. Guðfinnur Þór Leósson og Marko Vardic komu inn í liðið en Johannes Vall og Rúnar Már Sigurjónsson settust á bekkinn. Liðin voru jöfn að stigum fyrir leik í neðri hlutanum með aðeins þrjú stig og Skagamenn með þrjú töp í röð á bakinu.

Það var strax ljóst að heimamenn voru mættir til leiks því eftir aðeins tvær mínútur voru þeir búnir að skora fyrsta markið. Gísli Laxdal var í ágætis stöðu vinstra megin og átti skot að marki sem Steinþór Már Auðunsson í marki KA varði út í teiginn en Jón Gísli Eyland náði frákastinu og negldi boltanum í markið. Framherjinn Viktor Jónsson skoraði síðan sitt fyrsta mark í deildinni þetta sumarið á 18. mínútu eftir góða sókn. Skagamenn unnu boltann á miðjum vellinum þar sem Haukur Andri Haraldsson kom boltanum til hægri á Albert Hafsteinsson sem lagði síðan boltann beint fyrir markið þar sem Viktor lúrði á fjær og potaði boltanum í netið. Staðan 2-0 fyrir ÍA og eftir markið voru gestirnir meira með boltann en náðu ekki að skapa sér færi af neinu viti fram að hálfleik og þeir gulklæddu fóru með örugga forystu inn í hálfleikshléið.

core/image

<figure class="wp-block-image size-large is-resized is-style-default"><img src="https://umsjon.skessuhorn.is/wp-content/uploads/2025/05/Skagamenn-unnu-oruggan-sigur-a-KA_2-1200x800.jpg" alt="" class="wp-image-90691" width="840" height="560"/><figcaption>Framherjinn Viktor Jónsson skoraði síðan sitt fyrsta mark í deildinni þetta sumarið á 18. mínútu eftir góða sókn.</figcaption></figure>

Á fyrsta korteri seinni hálfleiks voru KA menn aðgangsharðari en vörn ÍA var föst fyrir eins og áður í leiknum og gestirnir ekki líklegir til stórræðna. Bæði lið settu inn ferska fætur þegar líða tók á leikinn og undir lok leiks fengu norðanmenn tvö sæmileg færi sem þeim tókst ekki að nýta. Það var síðan á þriðju mínútu í uppbótartíma sem Skagamenn gerðu endanlega út um leikinn þegar Jón Gísli átti góða sendingu fyrir markið á Viktor sem kláraði færið vel. Lokatölur 3-0 ÍA í vil og óhætt að segja að það hafi verið sanngjörn úrslit. Skagamenn eru því í 9. sæti með sex stig í deildinni sem er sami stigafjöldi og þeir voru með á síðasta tímabili eftir fimm umferðir.

Markaskorarinn Viktor Jónsson var ánægður með frammistöðuna og stigin þrjú í viðtali við fotbolti.net. eftir leik. „Þetta er alltaf spurningin um að ná þessu fyrsta marki inn. Það er oft erfiðasti ísinn til að brjóta. Mikill léttir og gott að ná þessum mörkum inn, ég er búinn að vera í færunum en hef ekki náð að koma honum yfir línuna. Það gerðist í dag, tveir af tveimur þannig að ég er bara virkilega sáttur. Þetta gefur okkur alveg hellings trú inn í framhaldið og sýnir okkur að við getum þetta ef við bara vinnum fyrir því. Við höfum svolítið verið að bíða eftir því. Þessi KR leikur um daginn var náttúrulega bara „disaster“ og miklu stærra tap heldur en það átti að vera. Þannig að það er gott að geta stigið upp eftir þannig leik, þétt sig saman og klárað leik eins og á móti KA í dag,“ sagði Viktor glaður í bragði.

Næsti leikur ÍA í Bestu deildinni er á móti Val næsta laugardag á N1 vellinum við Hlíðarenda og hefst klukkan 19.15.

Fréttaveita Vesturlands

Skagamenn unnu öruggan sigur á KA