medium

large

thumbnail

1536x1536

2048x2048

small

custom-size

Líf tekur að nýju sæti í bæjarstjórn

Stórhríð mánudag og viðvaranir í gangi

Funda í Karphúsinu í dag en verulegar líkur á að stefni í verkfall

Stungið í gegnum snjóflóðið í Ólafsvíkurenni

Rafmagnslaust í nokkrum sveitum Borgarfjarðar

Aurora fiskeldi undirbýr stóra landeldisstöð á Grundartanga

core/paragraph

Undanfarin nokkur ár hefur vaskur hópur Borgfirðinga stundað RINGÓ – afbrigði af blaki – en með gúmmíhringjum. Hópurinn hefur mætt til æfinga í Borgarnesi klukkan 9 á sunnudögum og æft í um klukkustund. Fjórum til fimm sinnum á ári höfum við tekið þátt í mótum og ætíð keppt undir merkjum UMSB, þó svo að sambandið hvorki standi að æfingum né styrki okkur í keppni út á við svo sem þátttöku í Landsmóti UMFÍ 50+.

Við höfum átt gott samband við félög á Akureyri, Hvammstanga, Mosfellsbæ, Kópavogi og Hvolsvelli ásamt því að taka þátt í öllum mótum UMFÍ víðs vegar um landið.

Nú nýverið hélt Íþróttafélagið Glóð í Kópavogi upp á 20 ára afmæli félagsins. Félagið bauð af því tilefni áðurnefndum félögum til afmælismóts í Fagralundi í Kópavogi. Þar spiluðum við UMSB sjö leiki en náðum aðeins að vinna þrjá og tapa fjórum. En mótið var skemmtilegt og þannig á það að vera, fyrst skemmtun en árangur er bónus.

Hreyfingin og samveran skiptir miklu máli og bindur okkur saman og þannig náum við betri úrslitum. Það eru allir sem áhuga hafa velkomnir til okkar á sunnudagsmorgnum til að kynna sér leikinn – RINGÓ.

Fréttaveita Vesturlands

Af þjálfun og keppni í RINGÓ