medium

large

thumbnail

1536x1536

small

custom-size

Snæfell náði loks sigri eftir sex tapleiki í röð

Samráðsfundur stjórnenda í velferðarþjónustu

Skallagrímur tapaði á Meistaravöllum

Hamar vann sigur á ÍA eftir framlengingu

2048x2048

Lionsklúbbur Grundarfjarðar bauð upp á blóðsykursmælingu

Leirulækur er ræktunarbú Borgfirðings 2024

core/paragraph

Skallagrímur heimsótti Þór frá Akureyri á föstudag í fimmtu umferð 1. deildar karla í körfubolta. Skallagrímur var með tvo sigra og tvö töp í fyrstu fjórum umferðum en heimamenn frá Akureyri voru án sigurs í deild. Skallagrímur var með nýjan leikmann í sínum röðum en Hilmir Hallgrímsson hefur samið um að vera á venslasamningi frá Haukum í Bónus deildinni.

Leikurinn var í járnum, allt frá uppkasti leiksins. Antanas Tamulis leikmaður Skallagríms fór fyrir liði Skallagríms en hann skoraði níu stig í fyrsta leikhluta, þar sem liðin voru jöfn af stigum, 20-20. Áfram skiptust liðin á forystu í öðrum leikhluta en heimamenn í Þór, með þá Reyni Róbertsson og Tim Dalger, drógu vagninn og fóru þeir með forystu inn í hálfleikinn, 44-39.

Heimamenn byrjuðu seinni hálfleik með látum og náðu að koma sér í níu stiga forystu þegar um fimm mínútur lifðu af leikhlutanum, 61-52. Ishmael Sanders og Eiríkur Jónsson leikmenn Skallagríms náðu þá að snögghitna, skoruðu og spiluðu liðsfélaga sína uppi, og náðu gestirnir að jafna metin undir lokin en staðan fyrir síðasta leikhluta var 69-69.

Áfram hélt baráttan í loka leikhlutanum og liðin skiptust á um að hafa forystu. Þegar um ein mínúta var eftir af leiknum var staðan 86-86 og við tók ótrúleg lokamínúta. Heimamenn í Þór náðu þriggja stiga forystu þegar um fimm sekúndur voru eftir en gestirnir voru með boltann. Magnús Engill leikmaður Skallagríms reynir þriggja stiga skot en brotið er á honum í skoti. Hann jafnar svo metin á vítalínunni, með því að setja þrjú vítaskot ofan í körfuna og heimamenn í Þór náðu ekki að gera sigurkörfuna og því þurfti að grípa til framlengingar.

Jafnræðið hélt áfram í framlengingunni, liðin skiptust á forystu en þegar 15 sekúndur voru eftir var staðan jöfn, 98-98. Reynir Róbertsson fær boltann fyrir heimamenn og skorar úr erfiðu stökkskoti og náðu gestirnir ekki að svara. Lokatölur 100-98 fyrir Þór.

Ismael Sanders skoraði 44 stig fyrir Skallagrím og nýi leikmaðurinn Hilmir Hallgrímsson skoraði 15 stig. Tim Dagler skoraði 28 stig fyrir Þór og Reynir Róbertsson skoraði 23 stig.

Næsti leikur Skallagríms er næstkomandi föstudag en þá heimsækir liðið Hamar í Hveragerði og hefst leikurinn klukkan 19.15.

Fréttaveita Vesturlands

Skallagrímur tapaði í framlengdum leik á Akureyri