medium

large

thumbnail

1536x1536

2048x2048

small

custom-size

Ólafsvíkurvaka heppnaðist með ágætum – myndasyrpa

Lokadagur Fjórðungsmóts Vesturlands runninn upp

Mótorhjólaslys í Staðarsveit

Ástand Snæfellsnesvegar hefur aldrei verið verra

Hola!

Þúsund tonnum bætt við strandveiðikvótann

core/paragraph

Skallagrímur tók á móti Selfossi í annarri umferð 1. deildar karla í körfubolta á föstudaginn, en liðið tapaði í sínum fyrsta leik gegn Ármanni á meðan Selfoss vann öruggan sigur á Þór frá Akureyri. Skallagrímur spilaði án bandarísks leikmanns en vonir standa til að nýr leikmaður verði kominn í Borgarnes í þessari viku.

Leikurinn hófst með miklum látum og var hittni liðanna til fyrirmyndar. Jure Boban, króatískur leikmaður Skallagríms, fór á kostum í fyrsta leikhluta en hann skoraði 12 af þeim 28 stigum sem Skallagrímur skoraði í leikhlutanum og leiddu heimamenn eftir fyrsta leikhlutann 28-27. Skallagrímur varð svo fyrir áfalli þegar Jure Boban meiddist í byrjun annars leikhluta og Selfyssingar gengu á lagið. Þeir skoruðu 31 stig gegn 21 stigi Skallagríms og fóru því með forystu í hálfleik, 49-61.

Skallagríms leikmenn komu út í seinni hálfleik býsna grimmir og meiri ákefð var í leik þeirra, sem gerði það að verkum að þeir voru búnir að jafna leikinn þegar um fimm mínútur höfðu liðið á þriðja leikhluta. Orri Jónsson, Almar Orri ásamt Sævari Alexander Pálmasyni fóru fyrir liði Skallagríms og unnu þeir leikhlutann 30-14 og fóru því með forystu, 79-75 inn í síðasta leikhlutann. Skallagrímur náði mest níu stiga forystu í síðasta leikhluta og náðu að verjast þeim áhlaupum sem Selfyssingar reyndu. Skallagrímur náði í fyrsta sigur tímabilsins, lokatölur 103-95.

Magnús Engill skoraði 21 stig, Orri Jónsson skoraði 17 stig og Antanas Tamulis skoraði 15 stig í liði Skallagríms. Næsti leikur Skallagríms er á föstudaginn en þá heimsækir liðið Sindra til Hafnar í Hornafirði.

Fréttaveita Vesturlands

Skallagrímur með fyrsta sigurinn á tímabilinu