medium

large

thumbnail

1536x1536

small

custom-size

Leiðir til byggðafestu og eflingar nýsköpunar á sauðfjárræktarsvæðum

2048x2048

„Það er ábyrgðarhluti að vera forystumaður í stéttarfélagi“

Fyrsti snjórinn á sunnanverðu landinu

Eyja- og Miklaholtshreppur gaf FSN afmælisgjöf

Tóku þátt í Ólympíuhlaupi ÍSÍ

Lögðu sitt af mörkum til að búa til skjól

core/paragraph

Kári og Augnablik áttust við í 3. deild karla í knattspyrnu á laugardaginn og var viðureignin í Akraneshöllinni. Fyrir leik gat Kári með sigri í leiknum tryggt sér sigur í deildinni á meðan Augnablik var úr leik í toppbaráttunni. Vel var mætt í Akraneshöllina og fá sæti laus enda tilhlökkun að Kári gæti tekið á móti bikarnum á heimavelli í lok leiks ef úrslitin yrðu hagstæð. Meðalaldur byrjunarliðs Kára í leiknum var í kringum 20 ár en dómaratríóið var aðeins eldra og virtist stundum ekki alveg ráða við hraðann í leiknum.

Káramenn blésu strax til sóknar í leiknum og komust yfir á 13. mínútu þegar fyrirliðinn Sigurjón Logi Bergþórsson fékk sendingu inn í teiginn frá Sveini Svavari Hallgrímssyni. Sigurjón Logi setti boltann í fyrsta snyrtilega í stöngina og inn og hans tólfta mark í deildinni í sumar staðreynd. Máni Berg Ellertsson átti skömmu síðar gott skot að marki Augnabliks sem fór rétt fram hjá. Síðan átti Axel Freyr Ívarsson svaka sprett sem byrjaði fyrir aftan miðju vallarins og endaði með því að hann féll í vítateignum eftir baráttu við varnarmann gestanna. Dómari leiksins dæmdi ekkert enda var hann ansi langt frá atvikinu og gat líklegast ekki séð hvað gerðist. En annars var fátt um fína drætti í fyrri hálfleik eftir þetta og staðan 1-0 fyrir Kára þegar leikmenn skutust yfir í búningsklefa til að ræða málin.

Aron Skúli Brynjarsson jafnaði metin fyrir gestina á 55. mínútu þegar hann skallaði knöttinn í netið eftir flotta sendingu frá Jónþór Atla Ingólfssyni og staðan 1-1. Við markið opnaðist leikurinn aðeins og liðin sóttu á víxl án þess þó að skapa sér mörg færi. Káramenn hertu tökin enn meira þegar líða tók á leikinn og þeirra hættulegasta færi átti Marinó Hilmar Ásgeirsson þremur mínútum fyrir leikslok en hann hitti hins vegar boltann illa fyrir opnu marki og boltinn fór þó nokkuð framhjá. Augnablik fékk síðan dauðafæri í næstu sókn en Oskar Wasilewski leikmanni Kára tókst að komast í veg fyrir skotið á síðustu stundu. Leikurinn endaði með jafntefli og leikmenn Kára þurfa því að bíða aðeins lengur eftir því að fá afhentan bikarinn eða um næstu helgi.

Kári er í efsta sæti deildarinnar með 47 stig, Víðir er í öðru sæti með 44 stig og Árbær í því þriðja með 42 stig. Kári er með ellefu mörkum betri markamun en Víðir fyrir lokaumferðina sem fram fer næsta laugardag og því verður það að teljast mjög líklegt að þeir hampi bikarnum við lokaflautið. Í síðustu umferðinni mætir Kári liði Árbæjar og Víðir fer í Fífuna og spilar við Augnablik. Leikur Árbæjar og Kára verður á Domusnovavellinum í Breiðholti og hefst klukkan 14.

Fréttaveita Vesturlands

Kári með aðra höndina á titlinum eftir stig gegn Augnabliki