medium

thumbnail

small

custom-size

Ólafur Adolfsson gefur kost á sér til forystu í NV kjördæmi

large

1536x1536

2048x2048

Norðvesturkjörkjördæmi missir einn þingmann til Kragans

Iðandi pasta

Kosið verður í fjögur efstu sæti á lista Sjálfstæðisflokksins – breytinga að vænta

Raðhús rísa í Reykhólahreppi

Skallagrímur semur við nýjan leikmann

core/paragraph

Skagamenn heimsóttu FH-inga á Kaplakrikavöll í Hafnafirði í gærkvöldi í Bestu deildinni í knattspyrnu. Lauk leiknum með 1:1 jafntefli. Það voru heimamenn í FH sem rétt náðu í stigið með jöfnunarmarki í uppbótartíma og að sama skapi var svekkjandi fyrir Skagamenn að ná ekki að halda forystunni þegar svo langt var liðið á leiktímann.

Heimamenn í FH höfðu yfirhöndina framan af leik en náðu ekki að skapa sér afgerandi færi, en það voru aftur á móti Skagamenn sem fengu fyrsta álvöru færið í leiknum þegar Jón Gísli Eyland Gíslason átti hörkuskot í þverslánna á marki FH á 18. mínútu. Undir lok hálfleiksins gerðu heimamenn harða hríð að marki gestanna og á 42. mínútu varði Árni Marinó í markinu mjög vel frá Loga Hrafni Róbertssyni og tryggði að staðan var markalaus í hálfleik.

Eins og í fyrri hálfleiknum voru heimamenn mun meira með boltann en Skagavörnin var þétt fyrir og gaf fá færi á sér. En á 67. mínútu fengu Skagamenn aukaspyrnu til hliðar við vítateiginn og Johannes Vall tók spyrnuna á fjærstöng þar sem Hlynur Sævar Jónsson var mættur og skallaði boltann fyrir markið þar sem Hinrik Harðarson henti sér fram og skallaði í markið af stuttu færi og Skagamenn leiddu þar með 1:0.

Heimamenn bættu í sóknina í kjölfarið og á 78. mínútu áttu þeir skot í stöngina á Skagamarkinu. Skagamenn færðu sig aftar á völlinn og freistuðu þess að halda fengnum hlut. En á fjórðu mínútu uppbótartíma náðu heimamenn að jafna metin þegar Gyrðir Hrafn Guðbjartsson skoraði af stuttu færi eftir þunga sókn heimamanna á lokakaflanum. Niðurstaðan því 1:1 jafntefli sem Skagamenn geta bara verið nokkuð sáttir með þótt auðvitað hafi verið svekkjandi fyrir þá að ná ekki að landa sigrinum þegar svo lítið var eftir af leiknum.

Eftir leikinn eru Skagamenn áfram í fimmta sæti Bestu deildarinnar með 24 stig, einu stigi á eftir FH, sem er í fjórða sæti.

Næsti leikur Skagamanna er gegn Stjörnunni á sunnudaginn á Elkem vellinum á Akranesi og hefst leikurinn kl. 17:00.

Fréttaveita Vesturlands

Jafnt í Kaplakrika