medium

large

thumbnail

1536x1536

2048x2048

small

custom-size

Skemmtilegt utanvegahlaup í Dölunum á laugardaginn

Telja eldgos líklegt á næstu tveimur vikum

Fagurverk fær gatna- og stéttaviðhald

Tónleikar með heitinu „Ljóð úr hverjum steini“ meðal viðburða á Reykholtshátíð

Borgfirðingar leiða í púttinu gegn Skagamönnum

Á annað hundrað húsasmiðir hafa lært hjá Akri

core/paragraph

Knattspyrnudeild Skallagríms í Borgarnesi hefur ráðið þjálfara meistaraflokks fyrir tímabilið í sumar. Jón Theodór Jónsson framkvæmdastjóri deildarinnar segir að 14 einstaklingar hefðu sótt um starfið og það væri búið að taka smá tíma að velja þann rétta. „Eftir viðtöl við marga mjög spennandi kosti þá stóð eftir eitt nafn, Scott Bowen. Hann er góður vinur Gregg Ryder, þjálfara KR, og benti Gregg honum á okkur og okkur á hann. Ef ég stikla á stóru þá var Scott meðal annars þjálfari unglingaliða hjá Ipswich, Norwich og QPR. Hann var í starfsliði South Essex 16 til 19 ára sem urðu landsmeistarar. Hann hefur verið aðalþjálfari í Háskólanum í London og þjálfað lið í sjöttu efstu deild á Englandi. Hann var svo þjálfari í efstu deild í Bangladesh, sem útskýrir af hverju hann er svona spenntur að koma til okkar, þetta er ævintýrakall.“

Jón Theodór segir einnig að Scott sé með mjög góða alþjóðlega markmannsþjálfaragráðu og sömuleiðis öll önnur þjálfararéttindi sem þurfa að vera til staðar. „En ferilskráin hans er í raun algjört aukaatriði. Um leið og hann byrjaði að tala við okkur og segja okkur frá sér og sínum pælingum þá vissum við strax að þetta væri rétti maðurinn. Ég get eiginlega lofað því að þið eigið eftir að elska hann! Hann er nú þegar búinn að biðja um upptökur frá öllum leikjum Skallagríms á síðasta tímabili og vill sömuleiðis fá sem flestar upplýsingar um alla leikmenn félagsins. Hann er með gott tengslanet og segist ekki vera í vafa um að ná að búa til sterkt lið í sumar. Hann vill byggja það í kringum hópinn sem við höfum en vill sömuleiðis finna réttu leikmennina sem vantar í hópinn.“ segir Jón Theodór að lokum.

Skallagrímur leikur í sumar í 4. deild karla á Íslandsmótinu eins og í fyrra og er fyrsti leikur á móti Tindastól 8. maí. Fyrsti leikur liðsins í C deild Lengjubikarsins sem er undirbúningsmót fyrir Íslandsmótið er laugardaginn 24. febrúar á móti liði Kríu í Akraneshöllinni.

Skallagrímur kominn með nýjan þjálfara