medium

large

thumbnail

1536x1536

small

custom-size

Lágmarksverð mjólkur hækkar til bænda

Uppstilling verður á öllum listum Viðreisnar

2048x2048

Fóru í glímuferð til Bandaríkjanna

Áskorun um að þingmenn sýni kjósendum stórhug

Bíó fyrir nemendur í Grundaskóla

Hittu nemendur í fjölmiðlanámi við HÍ

core/paragraph

Skallagrímur og Selfoss áttust við í 1. deild karla í körfuknattleik á föstudagskvöldið og var leikurinn í Fjósinu í Borgarnesi. Jafnt var á flestum tölum í fyrsta leikhluta, liðin skiptust á að ná forystu en Skallagrímur leiddi með sex stigum við lok hans, 24:18. Heimamenn juku við forskotið í öðrum leikhluta og náðu mest tólf stiga mun þegar tæpar fjórar mínútur voru eftir, staðan 44:32. Þegar flautað var til hálfleiks var munurinn enn tólf stig, 48:36, og Skallarnir í góðri stöðu.

Skallagrímur náði síðan 22 stiga forskoti þegar komið var fram í miðjan þriðja leikhluta, 64:42, og allt útlit fyrir öruggan sigur heimamanna. En þá tóku gestirnir smá kipp og náðu að minnka muninn í 14 stig fyrir síðasta fjórðunginn, staðan 71:57. Selfyssingar reyndu hvað þeir gátu til að minnka muninn í fjórða leikhluta en lítið gekk og staðan 79:69 Sköllunum í vil þegar fimm mínútur voru liðnar. Það var sama sagan fram að lokum leiks, Skallagrímsmenn héldu gestunum ávallt í öruggri fjarlægð og uppskáru að lokum öruggan tíu stiga sigur, lokatölur 95:85 Skallagrími í vil. Eftir þriggja leikja taphrinu náði Skallagrímur loks sigri og verður að byggja ofan á það í næstu leikjum til að koma sér ofar í töflunni.

Darius Banks var langatkvæðamestur hjá Skallagrími og var með 36 stig, 12 fráköst og 8 stoðsendingar. Davíð Guðmundsson skoraði 20 stig og Ragnar Magni Sigurjónsson 10 stig. Hjá Selfossi var Tykei Greene með 30 stig og 11 fráköst, Birkir Hrafn Eyþórsson var með 16 stig og Ebrima Demba með 14 stig.

Fjölnir með stórsigur á Snæfelli

Snæfell tapaði fjórða leiknum í röð þegar þeir mættu liði Fjölnis í Dalhúsum á föstudagskvöldið. Jafnt var á með liðunum mestan hluta fyrsta leikhluta og staðan 17:13 fyrir Fjölni eftir tæplega fimm mínútna leik. En heimamenn í Fjölni voru aðeins betri seinni hlutann og voru komnir með níu stiga forystu eftir fyrsta leikhluta, 27:18. Þeir juku síðan muninn jafnt og þétt í öðrum leikhluta, voru komnir með 22 stig í forskot eftir fimm mínútur og þegar flautað var til hálfleiks var munurinn á milli liðanna 18 stig, staðan 53:35 fyrir Fjölni.

Gestunum gekk erfiðlega að koma sér inn í leikinn af einhverri alvöru, þeir náðu aldrei að komast nálægt Fjölni að einhverju marki og Snæfell var alltaf að elta í þriðja leikhluta. Þegar honum lauk var staðan 72:59 fyrir Fjölni og kannski enn smá von hjá Snæfellingum að breyta stöðunni sér í vil. Sú von fór algjörlega út um þúfur í síðasta fjórðung því Fjölnismenn keyrðu yfir þá seinni hlutann og unnu að lokum ansi sanngjarnan sigur, lokatölur 100:76.

Jaeden King var stigahæstur hjá Snæfelli með 41 stig, Calvin Poulina var með 17 stig og Pavle Kraljic með 10 stig og 10 fráköst. Hjá Fjölni var Lewis Diankulu með 29 stig og þeir Kristófer Gíslason og Viktor Steffensen með 15 stig hvor.

ÍR er í efsta sæti deildarinnar með 24 stig, KR og Fjölnir í 2.-3. sæti með 22 stig, Sindri með 18 stig í 4. sæti og Þróttur Vogum og ÍA í 5.-6. sæti með 14 stig. Skallagrímur er í 7. sæti með 12 stig, Þór Akureyri síðan með 10 stig, Selfoss og Ármann í 9.-10. sæti með 6 stig og neðstu tvö liðin eru Hrunamenn og Snæfell með 4 stig hvort.

Næst mætir Skallagrímur Hrunamönnum á Flúðum og Snæfell fær topplið ÍR í heimsókn í Hólminn. Leikirnirnir fara fram næsta föstudagskvöld og hefjast báðir klukkan 19.15.

Fréttaveita Vesturlands

Skallagrímur sigraði Selfoss en tap hjá Snæfelli