medium

large

thumbnail

1536x1536

small

custom-size

“Ég var alinn upp við það að vinna”

2048x2048

Ekkert liggur enn fyrir um ráðstöfun fjárveitinga til vegabóta

Aflasæll öldungur heldur brátt í sína hinstu för

Jakob Svavar og Kristín Eir efst í forkeppni fyrsta dags

Tjaldfylli á fyrstu tónleikum Írskra daga

Yfir tvö tonn af ufsa auk dagsskammts af þorski

core/paragraph

Víkingur Ólafsvík tók á móti Þrótti Vogum í toppslag í 2. deild karla í knattspyrnu á föstudagskvöldið og var leikurinn á Ólafsvíkurvelli. Víkingur komst yfir í leiknum á 21. mínútu þegar Mikael Hrafn Helgason skoraði úr endurtekinni vítaspyrnu eftir að Þórhallur Ísak Guðmundsson markvörður Þróttar hafði varið fyrra vítið. Aðeins mínútu síðar tvöfaldaði Daði Kárason forystuna fyrir Víking og heimamenn í góðri stöðu. Mínútu fyrir lok fyrri hálfleiks fékk annar þjálfari Þróttar, Andri Steinn Birgisson, rautt spjald en staðan í hálfleik 2-0 fyrir Víkingi.

Dómarar leiksins voru því miður í aðalhlutverki í leiknum og má með sanni segja að það hafi verið kraftaverk að leikmenn úr báðum liðum fengu ekki rautt spjald fyrir fólskuleg brot. Því miður setti dómgæslan mikinn svip á leikinn og hún bitnaði á báðum liðum. Alls fóru sjö gul spjöld á loft í seinni hálfleik og mikið um pústra á milli leikmanna. Varamaðurinn Guðni Sigþórsson minnkaði muninn fyrir gestina á 78. mínútu en nær komust þeir ekki. Víkingur fagnaði naumum sigri og þriðji sigur þeirra í röð í deildinni, lokatölur 2-1 Víkingi í vil.

Staðan í deildinni eftir tíu umferðir er þannig að Víkingur er í efsta sætinu með 22 stig, KFA í öðru sæti með 20 stig og KFG í þriðja með 19 stig. Í neðri hlutanum er Völsungur í níunda sæti með tíu stig, Sindri sæti neðar með níu stig, KV með sjö stig og neðst er lið KF með sex stig. Næsti leikur Víkings er gegn KV næsta föstudag á KR-velli í Frostaskjóli og hefst klukkan 19.15.

Víkingur hélt toppsætinu með þriðja sigrinum í röð