medium

large

thumbnail

1536x1536

2048x2048

small

custom-size

Ólafsvíkurvaka heppnaðist með ágætum – myndasyrpa

Lokadagur Fjórðungsmóts Vesturlands runninn upp

Mótorhjólaslys í Staðarsveit

Ástand Snæfellsnesvegar hefur aldrei verið verra

Hola!

Þúsund tonnum bætt við strandveiðikvótann

core/paragraph

Reynir Hellissandi og Úlfarnir léku á laugardaginn í A riðli 5. deildar karla í knattspyrnu á miðri Ólafsvíkurvöku og var leikurinn á gervigrasvellinum í Snæfellsbæ. Það var ljóst snemma í leiknum að heimamenn áttu við ofurefli að etja enda voru Úlfarnir í öðru sæti deildarinnar. Haukur Steinn Ragnarsson kom Úlfunum yfir eftir rúman korters leik og Anton Hrafn Hallgrímsson skoraði tvö mörk úr vítaspyrnum á 19. og 36. mínútu, staðan 0-3 í hálfleik fyrir gestunum.

Andri Þór Sólbergsson sem skoraði tíu mörk fyrir Víking Ólafsvík í 2. deildinni í fyrra kom sér á blað þegar hann skoraði fjórða mark Úlfanna á 59. mínútu og það var síðan Börkur Þorri Þorleifsson sem skoraði fimmta mark Úlfanna tólf mínútum fyrir leikslok. Úlfar Ingi Þrastarson leikmaður Reynis fékk sitt annað gula spjald og þar með rautt rétt undir lok leiksins en það breytti engu nema fyrir hann, lokatölur 0-5 Úlfunum í hag.

Þegar riðillinn er hálfnaður er líklegast að liðin RB og Úlfarnir séu á leið í úrslitakeppnina en þau eru langefst með 22 og 19 stig í tveimur efstu sætunum. Næst kemur Hafnir með 13 stig og Stokkseyri stigi á eftir í fjórða sætinu. Reynir er í áttunda og næstneðsta sætinu með fjögur stig og KB á botninum með þrjú stig. Næsti leikur Reynis er á laugardaginn á móti KB en eini sigurleikur Reynismanna kom einmitt á móti þeim í fyrstu umferð. Það má því búast við hörkuleik en leikurinn verður á Ólafsvíkurvelli og hefst klukkan 14.

Reynir tapaði stórt fyrir Úlfunum