medium

large

thumbnail

1536x1536

2048x2048

small

custom-size

Grásleppusjómenn fagna lengingu veiðitímabilsins – myndasyrpa

Hlynur Blær gefur bílum nýjan blæ

Brúin komin á sinn stað yfir Berjadalsá

ÞB Borg reisir glæsihýsi í Stykkishólmi

Brást illa við afskiptum lögreglu

Fjölmenningarskóli Vesturlands tekinn til starfa

core/paragraph

ÍH og Víkingur Ólafsvík áttust við í riðli 1 í B deild Lengjubikars karla í knattspyrnu í gær og var leikurinn í knattspyrnuhöllinni Skessunni í Hafnarfirði. Ein deild er á milli liðanna á Íslandsmótinu, Víkingur leikur í annarri deild í sumar en ÍH í þeirri þriðju. Guðbjörn Smári Birgisson kom Víkingi yfir á tíundu mínútu leiksins en Karl Viðar Magnússon jafnaði metin fyrir ÍH eftir hálftíma leik og staðan því jöfn í hálfleik, 1-1.

Gestirnir náðu forystu aftur á ný á 67. mínútu þegar spænski miðjumaðurinn Luis Romero Jorge skoraði annað mark Víkings. Það var síðan ekki fyrr en á lokamínútunni sem hinn marokkóski Abdelhadi Khalok tryggði sigur Víkings, lokatölur 1-3 fyrir Víkingi.

Með sigrinum komst Víkingur í annað sæti riðilsins og er með sjö stig eftir fjóra leiki en Ýmir er efstur og er kominn í undanúrslit. Síðasti leikur Víkings í riðlinum er á móti KV næsta laugardag á Ólafsvíkurvelli og hefst klukkan 14.

Víkingur Ólafsvík vann ÍH í Lengjubikarnum