core/paragraph

<p>Skallagrímur tók á móti Skautafélagi Reykjavíkur í riðli 4 í C deild Lengjubikars karla í knattspyrnu á laugardaginn og var leikurinn í Akraneshöllinni. Gestirnir komust yfir með marki frá Luis Cabambe á 41. mínútu og þannig var staðan í hálfleik, 0-1 fyrir SR. Það var aldeilis fjör í seinni hálfleik og alls voru skoruð sex mörk. Fyrstu tvö þeirra skoraði Luis Quintero fyrir Skallagrím á fyrsta korterinu og kom þeim í 2-1. Markús Pálmi Pálmason jafnaði metin fyrir SR á 65. mínútu áður en Ólafur Már Kristjánsson kom Sköllunum aftur yfir tíu mínútum síðar og staðan 3-2. Markús Pálmi skoraði síðan annað mark sitt fyrir SR fjórum mínútum síðar og aftur jafnt, staðan 3-3. Það var síðan hinn fertugi Guðfinnur Þórir Ómarsson sem skoraði sigurmark gestanna mínútu fyrir leikslok, lokatölur 3-4 SR í vil.</p>

<p>Skallagrímur er án stiga eftir tvær umferðir og er neðstur í riðlinum en efstir eru KFK með níu stig. Næsti leikur Skallagríms er á móti liði Hamars á Domusnovavellinum í Breiðholti næsta laugardag og hefst klukkan 16.</p>

Fréttaveita Vesturlands

Skallagrímur tapaði fyrir SR í Lengjubikarnum