medium

large

thumbnail

1536x1536

2048x2048

small

custom-size

Kvennatölt hestamannafélagsins Borgfirðings

Víkingurinn 2024 verður á Vesturlandi

Opnað fyrir umsóknir í fjárfestingastuðning í kornrækt

Snæfellsnes sigraði ÍBV í Akraneshöllinni

Grótta og ÍA skildu jöfn í Lengjubikarnum

Nota fæðingarorlofið til að yfirfara veiðarfærin

core/paragraph

Stelpurnar í meistaraflokki ÍA í knattspyrnu léku gegn liði Aftureldingar í Akraneshöllinni í gærkvöldi. Afturelding spilar í Lengjudeild á komandi keppnistímabili en ÍA í 2. deild. Leikurinn var nokkuð jafn en lauk með naumum sigri gestanna, 1-2.

Fyrri hálfleikurinn var hraður og jafnvel nokkuð harður á köflum. ÍA liðið mætti vel stemmt til leiks og gaf gestunum ekkert eftir þrátt fyrir að Afturelding héldi uppi hápressu. Leikkerfið gekk vel upp og gestirnir sköpuðu sér fá hættuleg marktækifæri. Á síðustu mínútu fyrri hálfleiks fékk ÍA dæmda aukaspyrnu við vítateigslínuna. Hin bráðefnilega Sunna Rún Sigurðardóttir tók spyrnuna og skoraði með glæsilegu skoti. Hreint út sagt frábært mark og staðan í hálfleik var 1-0 fyrir heimastúlkur.

Í seinni hálfleik opnaðist leikurinn meira og bæði lið fengu góð marktækifæri. Um miðjan seinni hálfleik skoraði Skagamaðurinn Sigrún Eva Sigurðardóttir jöfnunarmark fyrir gestina. Afturelding náði góðum leikkafla sem endaði með þrumu skoti sem Salka Hrafns Elvarsdóttir í marki ÍA réði ekki við og staðan orðin 1-1. Liðin skiptust síðan á að sækja sem eftir lifði leiks en það voru gestirnir sem náðu að koma inn marki á lokamínútunum sem skráð er sem sjálfsmark.

Naumt tap var því niðurstaðan en Skagamenn geta verið sáttir með sína frammistöðu. Virkilega gaman að sjá marga leikmenn sem og liðsheildina sem lofar góðu fyrir komandi keppnistímabil.

Fréttaveita Vesturlands

Naumt tap hjá Skagakonum í hörkuleik