Leikmenn af Vesturlandi í æfingahópi KKÍ

Fram undan í desember eru æfingar yngri landsliða hjá Körfuknattleikssambandi Íslands. Þjálfarar landsliða U15, U16 og U18 drengja og stúlkna hafa valið um 30 manna æfingahópa sína og boðað leikmenn til æfinga í desember. Um er að ræða fyrstu æfingahópa liðanna fyrir næsta sumar en þá er stefnt að þátttöku í mótum fyrir öll lið auk U20 liða karla og kvenna sem valin verða í vor. U18 ára liðin stefna á að æfa fyrir jól og svo eru æfingar U15 og U16 liða milli jóla- og nýárs.

Vesturlandið á fulltrúa í þessum æfingahópum og eru þeir eftirfarandi: Eiríkur Frímann Jónsson og Sævar Alexander Pálmason frá Skallagrími eru í U-15 drengja og Viktoría Sif Þráinsdóttir Norðdahl frá Snæfelli í U-15 stúlkna. Aðalheiður Ella Ásmundsdóttir, Kolfinna Dís Kristjánsdóttir og Victoria Lind Kolbrúnardóttir frá Skallagrími eru í U-16 stúlkna hópnum og einnig Díana Björg Guðmundsdóttir frá Aþenu en Díana er frá Borgarnesi. Í U-18 stúlkna er Ingigerður Sól Hjartardóttir frá Snæfelli og í U-18 drengja er Þórður Freyr Jónsson frá ÍA.

Líkar þetta

Fleiri fréttir