medium

large

thumbnail

1536x1536

2048x2048

small

custom-size

Leikskólabörn skoðuðu sjúkrabílinn

Héldu forvarnadag í Fjölbrautaskóla Vesturlands

Askja Vesturlandi opnar á laugardaginn

Nagladekkin undan?

Skorradalshreppur hástökkvari í íbúafjölgun

Mældist á 140 km hraða þar sem hámarkshraði er 90

core/freeform

Klifurfélag ÍA átti góðan dag á öðru Íslandsmeistaramóti ársins í klifri sem fram fór á sunnudag í Klifurhúsinu í Reykjavík. Níu klifrarar tóku þátt í B og C flokki og skilaði það þremur flottum medalíum í hús fyrir ÍA. Í B flokki kvenna landaði Sylvía Þórðardóttir langþráðum sigri með frábærri frammistöðu. Sylvía toppaði allar átta leiðir mótsins, ein keppenda í sínum flokki, og tryggði sér sigur með toppi í leið 5 þegar örfáar mínútur voru eftir. Næsta verkefni Sylvíu verður Norðurlandamót með landsliði íslenskra klifrara en það verður haldið í Kaupmannahöfn í byrjun ágúst.

Í C flokki stúlkna náði Þórkatla Þyrí Sturludóttir öðru sæti og Ester Guðrún Sigurðardóttir því þriðja með flottri frammistöðu og standa þær því vel að vígi fyrir seinni helming mótaraðarinnar sem heldur áfram eftir sumarfrí. „Mótið heppnaðist afar vel og leiðasmiðir hittu naglann algjörlega á höfuðið í þetta skiptið. Allar leiðir voru toppaðar og í mörgum tilfellum voru það einungis tilraunirnar sem skáru úr um sætaröð. Framundan er útitímabil klifrara en Klifurfélag ÍA stefnir á virkt starf í sumar með námskeiðahaldi og æfingaferðum fyrir sína iðkendur,“ segir Þórður Sævarsson hjá Klifurfélagi ÍA.

[caption id="attachment_44159" align="alignnone" width="600"]<img class="wp-image-44159 size-medium" src="https://skessuhorn.is/wp-content/uploads/2021/05/Skagastulkur-a-verdlaunapalli-i-klifri_1-600x900.jpg" alt="" width="600" height="900" /> Sylvía klifraði hátt um helgina.[/caption]

Skagastúlkur á verðlaunapalli í klifri