ÍATV tilnefndi leikmenn ársins á Akranesi
ÍATV hefur tilkynnt val sérfræðinga sinna á knattspyrnumönnum ársins hjá knattspyrnufélögum ÍA og Kára árið 2020.
Leikmaður ársins hjá Pepsi Max-deildarliði ÍA er Stefán Teitur Þórðarson. Stefán lék samtals 19 leiki í deild og bikar og skoraði 9 mörk. Eftir að hafa leikið hátt í 100 leiki fyrir ÍA og skorað í þeim 24 mörk gekk hann í haust til liðs við B-deildarlið Silkeborg í Danmörku.
Leikmaður ársins hjá Lengjudeildarliði ÍA er Jacklyn Poucel. Jacklyn gekk til liðs við ÍA í annað sinn í upphafi árs. Hún lék samtals 16 leiki í deild og bikar og skoraði 7 mörk.
Leikmaður ársins hjá 2. deildarliði Kára er Dino Hodzic. Dino gekk til liðs við Kára í sumar og lék samtals 22 leiki í deild og bikar.
Stefán og Jaclyn tóku við farandbikurum sínum í lok árs en Dino tekur við sínum þegar hann snýr aftur til Íslands.
