medium

large

thumbnail

1536x1536

2048x2048

small

custom-size

„Að vera á sjó var eins og hver önnur vinna“

Mikilvæg lífæð fyrir fólkið hér á svæðinu

Íbúafundur Miðbæjarsamtakanna í Tónbergi á mánudaginn

Viðunandi útkoma Dalabyggðar á síðasta ári

Óbyggðanefnd framlengir frest vegna eyja og skerja

Fjölbrautaskóli Snæfellinga 20 ára

core/freeform

Víkingur Ó. sigraði Magna, 3-2, þegar liðin mættust í 1. deild karla í knattspyrnu í gær. Leikið var á blautum Ólafsvíkurvelli í nokkuð stífum vindi og einkenndist leikurinn af mikilli baráttu. Heimamenn voru þó sterkari allan leikinn og þeir komust yfir strax á 6. mínútu. Hornspyrna var tekin stutt og boltinn barst á Gonzalo Zamorano sem fór framhjá varnarmanni, lyfti boltanum fyrir markið beint fyrir Emmanuel Eli Keke sem kom á ferðinni og stangaði hann í netið.

Ólafsvíkingar voru mun sterkari og áttu nokkrar álitlegar sóknir framan af fyrri hálfleiknum. Á 37. mínútu bættu þeir öðru marki sínu við þegar Gonzalo skoraði með góðu skoti á nærstöng eftir að Þorleifur Úlfarsson fleytti hárri sendingu fyrir hlaup hans.

Aðeins mínútu síðar skoraði Þorleifur sjálfur. Gonzalo komst þá með boltann upp að endalínu, sendi fyrir á Þorleif sem var kominn á nærstöngina og þurfti aðeins að stýra boltanum yfir línuna. Staðan var því 3-0 í hálfleiik og heimamenn komnir í ansi vænlega stöðu.

Ólafsvíkingar byrjuðu síðari hálfleikinn af krafti. Þeim tókst að koma boltanum í netið á upphafsmínútunum en markið var dæmt af. Skömmu síðar átti Harley Willard þrumuskot að marki en Steinþór Már Auðunsson, markvörður Magna, varði glæsilega frá honum.

En á 60. mínútu minnkuðu gestirnir muninn. Helgi Snær Agnarsson fékk góða sendingu inn í teiginn frá vinstri, þar sem hann tók boltann á lofti og stýrði honum í fjærhornið. Virkilega snyrtilega afgreitt færi hjá Agnari.

Magnamenn sóttu í sig veðrið eftir jöfnunarmarkið og færðu sig ofar á völlinn. Ólafsvíkingar fengu engu að síður betri færi næsta hluta leiksins. Indriði Áki Þorláksson átti gott skot að marki á 75. mínútu og Billy Steadman komst í gott færi á 82. mínútu, en Steinþór varði vel.

Gestunum tókst að hleypa spennu í leikinn rétt fyrir leikslok, þegar Kristinn Þór Rósbergsson lyfti boltanum yfir Konráð Ragnarsson í marki Víkings. En það var heldur seint í rassinn gripið fyrir gestina. Fleiri mörk voru ekki skoruð í leiknum og honum lauk því með 3-2 sigri heimamanna.

Víkingur Ó. situr í 9. sæti deildarinnar með 15 stig eftir 14 leiki, jafn mörg og Afturelding í sætinu fyrir ofan en með fjögurra stiga forskot á næstu lið fyrir neðan. Næst leika Ólafsvíkingar á laugardaginn, 12. september næstkomandi, þegar þeir mæta Grindvíkingum. Sá leikur fer einnig fram á Ólafsvíkurvelli.

Góður heimasigur Víkings