medium

large

thumbnail

1536x1536

small

custom-size

Mikilvæg lífæð fyrir fólkið hér á svæðinu

Íbúafundur Miðbæjarsamtakanna í Tónbergi á mánudaginn

2048x2048

Viðunandi útkoma Dalabyggðar á síðasta ári

Óbyggðanefnd framlengir frest vegna eyja og skerja

Fjölbrautaskóli Snæfellinga 20 ára

Styrktartónleikar í Borgarneskirkju

core/freeform

Víkingur Ó. og Fram skildu jöfn, 1-1, þegar liðin mættust í 1. deild karla í knattspyrnu. Leikið var í Reykjavík í gærkvöldi. Framarar naga sig ef til vill í handarbökin að hafa ekki náð þremur stigum út úr leiknum. Þeir voru meira með boltann en náðu ekki að skapa sér mikið af færum. Leikur Ólafsvíkinga var vel skipulagður, vörnin þétt og þeir gerðu vel í að sækja stig gegn toppliði deildarinnar.

Fátt var um fína drætti í fyrri hálfleik og fá opin marktækifæri. Staðan var enda markalaus í hálfleik en það átti eftir að breytast í upphafi síðari hálfleiks. Á 47. mínútu fengu Ólafsvíkingar vítaspyrnu eftir að boltinn fór í höndina á varnarmanni Framara. Gonzalo Zamorano fór á punktinn og skoraði af miklu öryggi framhjá Ólafi Íshólm Ólafssyni sem kastaði sér í vitlaust horn.

Framarar sóttu aðeins í sig veðrið eftir að hafa lent undir. Fred átti þrumuskot utan af velli á 51. mínútu. Skömmu síðar fengu þeir prýðilegt færi þegar Þórir Guðjónsson sendi boltann fyrir markið á Aron Þórð Albertsson sem setti boltann framhjá markinu.

Ólafsvíkingar þéttu vörnina enn frekar, brutu hverja sókn Framara á bak aftur og beittu skyndisóknum þegar færi gafst. Harley Willard fékk dauðafæri til að tryggja Ólafsvíkingum sigurinn á 78. mínútu en Framarar náðu að komast fyrir skot hans.

Það var síðan á 85. mínútu að dæmd var vítaspyrna á Víking eftir að boltinn fór í höndina á varnarmanni. Alex Freyr Elísson fór á punktinn og skoraði úr spyrnunni. Aron Snær Ingason hefði getað stolið sigrinum fyrir Fram á lokamínútu leiksins, en skaut rétt framhjá úr dauðafæri í teignum. Leiknum lauk því með 1-1 jafntefli.

Víkingur Ó. hefur tólf stig í 9. sæti deildarinnar eftir 13 leiki, með jafn mörg stig og Afturelding í sætinu fyrir ofan en eins stigs forskot á Leikni F. Næsti leikur Ólafsvíkinga er heimaleikur gegn Magna frá Grenivík á sunnudaginn, 6. september næstkomandi.

Skoruðu úr sitthvorri vítaspyrnunni