medium

large

thumbnail

1536x1536

2048x2048

small

custom-size

Grásleppusjómenn fagna lengingu veiðitímabilsins – myndasyrpa

Hlynur Blær gefur bílum nýjan blæ

Brúin komin á sinn stað yfir Berjadalsá

ÞB Borg reisir glæsihýsi í Stykkishólmi

Brást illa við afskiptum lögreglu

Fjölmenningarskóli Vesturlands tekinn til starfa

core/freeform

Borgnesingar í Skallagrími þurftu að sætta sig við tap gegn Hamarsmönnum þegar liðin mættust í toppslag C riðils fjórðu deildar karla í knattspyrnu í gærkvöldi í Hveragerði.

Það voru heimamenn úr Hveragerði sem skoruðu fyrsta mark leiksins. Það kom á 26. mínútu þegar Bjarki Rúnar Jónínuson skilaði knettinum inn fyrir mark þeirra gulklæddu. Tíu mínútum síðar varð Skallagrímsmaðurinn Birgir Theodór Ásmundsson fyrir því óláni að skora sjálfsmark sem jók forystu Hamars og leiddu Hvergerðingar með tveimur mörkum í leikhléi.

Í síðari hálfleik bætti Hamar við þriðja markinu á 59. mínútu. Þar var að verki Ingþór Björgvinsson og staðan orðin heldur svört fyrir Borgnesinga á þessum tímapunkti. Loks þegar um stundarfjórðungur lifði af leik náði Magnús Helgi Sigurðsson að koma þeim gulklæddu á blað og minnkaði muninn í tvö mörk. Arnar Eiríksson bætti svo við öðru marki Borgnesinga á annarri mínútu uppbótartíma og allt í einu var eins marks munur á liðunum. Jón Bjarni Sigurðsson slökkti svo í allri von Borgnesinga til að sækja sér stig úr viðureigninni þegar hann bætti við fjórða marki sinna manna áður en flautað var til leiksloka. Niðurstaðan 4-2 fyrir Hamar.

Með sigrinum eru Hamarsmenn einir á toppi C riðils með 15 stig og Skallagrímsmenn í öðru sæti með 12 stig. Næst leika Borgnesingar á heimavelli gegn Ísbirninum, þriðjudaginn 21. júlí kl. 20:00.

Skallagrímur tapaði í toppslagnum