Bikarinn að byrja
Um helgina verður keppt í Mjólkurbikarnum í knattspyrnu. Bikarkeppni karla hefst í dag, föstudaginn 5. júní og munu tvö Vesturlandslið keppa um helgina. Snæfellingar mæta Selfyssingum á útivelli í kvöld og á morgun taka Skallagrímsmenn á móti Ými í Borgarnesi.
Á sunnudaginn, 7. júní, hefst keppni í Mjólkurbikar kvenna. Þá fara Skagakonur til Hveragerðis og mæta Hamri.
Þegar lengra er liðið á bikarkeppnirnar bætast síðan lið úr efstu tveimur deildum karla og efstu deild kvenna í pottinn, sem venja er.
