Um helgina fór fram Bikarmeistarmót Íslands í klifri. Þar kepptu klifrarar í C-flokki. Eftir erfiða undankeppni fóru sex stigahæstu keppendur áfram í úrslit og þar voru Skagamenn með fjórar stúlkur og tvo drengi. Eftir harða úrlistakeppni stal Skagamærin Þórkatla Þyrí Sturludóttir sigrinum með frábærri frammistöðu í síðustu leið mótsins. Tinna Rós Halldórsdóttir, Klifurfélag ÍA, hafnaði í þriðja sæti og var ekki langt frá silfurverðlaunum.

Á sunnudeginum mættu yngri hópar Klifurfélags ÍA til leiks á Skemmtimóti ÍA og spreyttu sig á verkefnum á klifurveggnum, ásamt klifrurum frá Laugarvatni og Reykjavík.

Helginni lauk svo með landsliðsæfingu fyrir A- og B-flokk en þessi hópur er á leiðinni til þátttöku á Norðurlandamótinu i grjótglímu sem fram fer helgina 14.-15. mars í Kaupmannahöfn. Frá Klifurfélagi ÍA fara þær Brimrún Eir Óðinsdóttir í ungmennaflokki og Sylvía Þórðardóttir í B-flokki.

Um næstu helgi verður Bikarmeistarmót fyrir eldri flokka haldið í Klifurhúsinu í Reykjavík en þar mætir ÍA til leiks með fimm keppendur.

Landsliðshópur A-B.

Fréttir frá Klifurfélagi ÍA