Ljósm. FIMA.

Samið við meistaraflokk

Mánudaginn 10. febrúar síðastliðinn var í fyrsta skipti í sögu Fimleikafélags Akraness undirritaður samningur við iðkendur meistaraflokks félagsins, en um er að ræða iðkendur 18 ára og eldri. Í þeim hópi eru þær Aþena Ósk Eiríksdóttir, Harpa Rós Bjarkadóttir, Marín Birta Sveinbjörnsdóttir, Sóley Brynjarsdóttir, Sylvía Mist Bjarnadóttir, Valdís Eva Ingadóttir og Ylfa Claxton. Það voru þær Friðbjörg Eyrún Sigvaldadóttir, formaður FIMA og Þórdís Þráinsdóttir yfirþjálfari sem skrifuðu undir samninginn fyrir hönd fimleikafélagsins. „Félagið er virkilega stolt af því að hafa þessar ungu og efnilegu stelpur í okkar hópi og með þennan áfanga í sögu félagsins,“ segir í frétt á vef FIMA.

Þá má geta þess að meistaraflokkur FIMA keppti á GK mótinu á Selfossi um liðna helgi og hafnaði þar í þriðja sæti. Fimleikafélag Akraness er eitt af þremur félögum landsins sem á meistaraflokk í A deild.

Líkar þetta

Fleiri fréttir